бригада ҝенералы Әмир Әли Һаҹызадә бу ҝүн Әмир Кәбир Технолоҝија Университетиндә "Һәсән Теһрани Мүгәддәм"ин шәһадәтинин доггузунҹу илдөнүмү мүнасибәтилә кечирилән мәрасимдә билдириб ки, Ислам Ингилабынын гәләбәсинин лап әввәлиндә дүшмәнләр Ислам Республикасы илә ҝүҹлү мөвгедән давранырдылар, лакин бу ҝүн зәиф мөвгедән Ирана гаршы мүһарибәни давам етдирирләр.
"Дүшмәнләр һазырда Ирана супер ҝүҹ кими бахырлар. Игтисади проблемләр дә һәлл едилмәлидир; Чүнки онларын һәлли һәрби мәсәләләрдән гат-гат асан вә һәјата кечирилә биләндир", - дејә Һаҹызадә әлавә едиб.
Ислам Ингилабы Кешикчиләри Корпусунун Һәрби Һава Гүввәләринин команданы дүшмәнләрин Ислами Ирана зәрбә вурмаг үчүн фитнәләринә тохунараг, дејиб: "Бир заманлар Иранын нүвә мәсәләси дүшмәнләр үчүн приоритет иди. Даһа сонра идарә олунан ракетләр вә пилотсуз учуш апаратлары приоритет олду. Бир мүддәт сонра исә дүшмәнләрин приоритетинә чевриләҹәк јени мәсәләләр ортаја чыхаҹаг".
342/
