Азәрбајҹан Республикасы Хариҹи Ишләр Назирлијинин мәтбуат хидмәтинин башчысы Ајхан Һаҹызадә өтән базар ертәси ҝүнү Бакыда кечирдији мәтбуат конфрансында дејиб ки; Иран полиси сәфирлијимизә гаршы террор һүҹумунун гаршысыны алмаг үчүн һеч бир аддым атмајыбдыр.
Иран Ислам Республикасы рәсмиләринин һүҹумчунун шәхси мәгсәдә малик олмасы һагда ард-арда изаһат вермәләринә рәғмән, Ајхан Һаҹызадә дејиб: Силаһ вә јандырыҹы бутылка илә тәҹһиз олунмуш террорчу өнҹә сәфирлијә атәш ачды, сәфирлијин шүшәсини сындырды, сонра исә сәфирлијин автомобилни јандырды. Сонрадан намәлум бир шәхс дә террорчунун автомобилинә доғру ҝәлиб, орадан бәзи шејләр ҝөтүрдү. Бүтүн бу һәгигәтләр ҝөстәрир ки, бир террор актындан сөз ҝедир.
Иран Милли Тәһлүкәсизлик Али Шурасынын медиасы олан “Нур Нјус” бу сөзләрә ҹаваб олараг јазыб: Азәрбајҹан Республикасы Хариҹи Ишләр Назирлијинин мәтбуат хидмәтинин башчысы дејиб ки, Азәрбајҹанын Ирандакы сәфирлијинә һүҹум өнҹәки план әсасында һәјата кечирилиб. Һалбуки Бакы Теһранын бу һадисә әтрафында тәһгигатда иштирака даир тәклифинә мүсбәт ҹаваб вермәди вә бүтүн фактлар һүҹумчунун нијјәтинин шәхси зәминдә олдуғундан сөз ачыр вә бу кими јанашма мәгсәдјөнлү мүһакимә јүрүтмә шүбһәсини ҝүҹләндирир.
342/
