Мәһәммәд Мирзәли "Османгызы ТВ"јә дејиб: "онлардан једди нәфәри груп шәклиндә адам өлдүрмәјә ҹәһддә, бир нәфәр исә ганунсуз силаһ дашымада иттиһам олунуб. Сонрадан бәлли олуб ки, һәмин силаһ дашыјан шәхс дә мәни өлдүрмәјә ҝәләнләрдән биридир вә вкилимин мәнә билдирдијинә ҝөрә, онларын гаршыдакы илләрдә мәһкәмә просеси кечириләҹәк".
"Һәмчинин, Полша, Алманија вә Маҹарыстанда Авропа полиси тәрәфиндән һәбс олунанлар вар, амма һәлә ки, истинтаг мәнә нечә нәфәрин һәбс олундуғу барәдә һеч бир мәлумат вермәјиб. Вә ики нәфәр дә Монтенегрода Интерпол тәрәфиндән һәбс едилиб вә Франса прокурорлуғу һазырда һәмин ады чәкилән өлкәләрдән Азәрбајҹан Республикасынын бу муздлу аҝентләринин екстрадисија едилмәсини ҝөзләјир", - дејә Мәһәммәд Мирзәли әлавә едиб.
Бу ҝәнҹ блоггер даһа сонра дејиб: "Мән билдијим гәдәри үмумиликдә 20-јә јахын азәрбајҹанлы бу сифаришли ҹинајәт әмәлиндә иштирак едиб. Әлбәттә тәкҹә азәрбајҹанлылар дејил вә онларын арасында ҝүрҹүстанлылар вар, һәмчинин әслән азәрбајҹанлы олан Франса вәтәндашлары вар ки, Азәрбајҹан һакимијјәти тәрәфиндән сифариш едилмиш беш ҹинајәт әмәлиндә иштирак едибләр".
342/
