Ҝөрүшдә Иранын ишјаратма вә истеһсал мејданы фәалларынын ашкар фәалијјәтләри, үмидвериҹи бахыш вә әһвал-руһијјәдән мәмнунлуг ифадә едән Һәзрәт Ајәтуллаһулузма Хаменеи дејибләр: Илаһи, ҹоғрафи, сијаси, бејнәлхалг, хүсусән дә инсан гүввәси мәнбәләринә әсасән, өлкәнин инкишаф имкан вә габилијјәти олдугҹа јүксәк олуб, мүстәсна саһәләр үзрәдир. Бу сәбәбдән, Иран халгынын ҝәләҹәји вә Иранын инкишаф перспективи һазыркы прогнозлардан даһа ајдындыр.
Иранын ајдын ҝәләҹәјинин сүрәтли вә давамлы игтисади инкишаф тәләб етдијини билдирән вә једдинҹи инкишаф програмында әдаләтлә јанашы олан игтисади инкишаф приоритетинә ишарә едән Ингилаб Рәһбәри игтисади инкишафын дәлил вә тәләбләрини бәјан вә тәкид едибләр ки, аиләләрин јашајыш чәтинликләри вә һисс олунан мәишәт проблемләринин һәлли игтисади инкишафы тамамилә зәрури едиб.
Ингилаб Рәһбәри ҹари илин “истеһсал, стартап вә мәшғуллуг јаратма или” ады илә адландырылмасынын мүәјјән гәдәр игтисади фәалларла олмуш өтәнилки ҝөрүшдән гајнагландығыны билдириб вә белә әлавә едибләр: Ики ҝүн бундан габаг бахыш кечирилмиш сәрҝи ҝөстәрирди ки, илин шүары саһәсиндә нисбәтән јахшы ишләр ҝөрүлүб. Ејни заманда, игтисади фәалларын бу ҝөрүшдә игтисади ирәлиләјиш барәдәки чыхышлары јахшы үмид вә мүждәләр верир вә 1401-ҹи ҝүнәш илинин биринҹи јарысынын рәсми ҝөстәриҹиләри дә башлыҹа олараг, һәрәкәт вә инкишафын ҝөстәриҹиләридирләр.
Ингилаб Рәһбәри бир чох сектордакы буҝүнкү уғурларын тәхминән он беш ил бундан өнҹә елми һәрәкатын башланмасындан ирәли ҝәлдијини билдириб вә сөјләјибләр: Алим ҝәнҹләр бејнәлхалг елмин өн хәтләриндән дә кечмәли вә бу арзунун реаллашмасына зәмин јаратмалыдырлар ки, әлли ил сонра әҝәр бир кәс елми јениликләрдән хәбәрдар олмаг истәјәрсә, фарс дилини өјрәнмәјә мәҹбур олмуш олсун.
342/
