Патрик Рајдерин сөзләринин фонунда гејд едәк ки, “Уол Стрит Ҹоурнал” гәзети базар ҝүнү јазмышды ки, АБШ рәсмиләри бу өлкәнин шәнбә ҝүнү ахшам Иран Мүдафиә Назирлијинин Исфаһандакы емалатханаларындан биринә гаршы уғурсуз дрон һүҹумунда мүдахиләсини рәдд едибләр. Дејибләр ки, сионист режим сөзүҝедән әмәлијјатда мәсулијјәт дашыјыр.
Америка рәсмиләринә исинад едән гәзет јазыбдыр ки, һәмин һүҹумда мәгсәд, Иранын һәрби вә нүвә програмларыны мәһдудлашдырмаг вә арадан галдырмаг олуб.
Белә бир һалда, сионист режим индијә кими бу барәдә фикир билдирмәкдән чәкиниб.
Иран Мүдафиә Назирлији билдирибдир ки, шәнбә ҝүнү ахшам назирлијин Исфаһандакы емалатханалар комплексләринин бири дронларын уғурсуз һүҹумуна мәруз галыб. Дронлардан бири комплексин һава һүҹумундан мүдафиә гүввәләринин атәши илә мәһв едилиб. Һава һүҹумундан мүдафиә системинин тәләсинә дүшән ики диҝәр дрон исә партлајыбдыр.
Һәләлик бу уғурсуз һүҹум һагда артыг деталлар јајылмајыб. Гејд едәк ки, кечмишдә дә Иранын һәрби вә нүвә тәсисатларынын әтрафында бу ҹүр һүҹумлар вә бир нечә партлајыш баш вериб. Дүшмәнләр бүтүн бу һүҹумлар вә тәхрибатчы һәрәкәтләрдә һәм Иран Ислам Республикасынын нүвә вә мүдафиә сәнајесиндә ҝүнү-ҝүндән артан ирәлиләјишләрини әнҝәлләмәк, һәм дә Ираны өз мүдафиә сијасәтләриндән ҝери чәкилиб, имтијаз вермәјә мәҹбур етмәјә чалышыблар.
342/
