Дмитри Медведев, өзүнүн "Телеҝрам-канал"ында јаздығы вә "Реалноје времја" нәшриндә јајылан бәјанатында һәмчинин баш назирә Гәрб дүнјасында даһа чох "харакири" кими танынан "сеппуку" ритуал интиһара чағырыш едиб.
Русијанын јүксәк вәзифәли сијасәтчисинин белә радикал чағырышына сәбәб Кисида вә АБШ президенти Ҹо Бајденлә бирҝә бәјанаты олуб.
Бәјанатда дејилир ки, Токио вә Вашингтон "Русијанын Украјнада нүвә силаһынын истәнилән тәтбиги"ни "бүтүн бәшәријјәтә гаршы төрәдилән һеч нә илә һагг газандырылмајан дүшмәнчилик акты" кими гәбул едиләҹәк.
Медведев бу бәјанатда мүнасибәт билдирәркән јазыб: "Бу, дәһшәтли дәрәҹәдә абырсызлыгдыр. Алчалдыҹы сәдагәт екстазында Русија барәсиндә ҹәфәнҝијјат данышыр, бунунла да Хиросима вә Нагасакидә нүвә тонгалында јанан јүз минләрлә јапонијалынын хатирәсинә хәјанәт едир".
Сабиг баш назир вә сабиг президент һесаб едир ки, Кисида Бајденә хатырлатмалы иди ки, "нүвә силаһыны там долғунлугла тәтбиг едән јеҝанә өлкә АБШ олуб".
"Амма, јох, Кисида америкалылар үчүн јалныз хидмәт персоналыдыр, гулларда исә ҹәсарәт ола билмәз",-- Медведев дејиб.
Өз постунун сонунда Тәһлүкәсизлик Шурасынын катиби јапонијалылары да белә хитаб едиб:
"Бу рүсвајчылығы јалныз ҝеријә дөнәндән сонра елә назирләр кабинетинин иҹласындаҹа сеппуку етмәклә јумаг мүмкүндүр", - Медведев мәсләһәт вериб.
342/
