"Инди һәм Ермәнистан, һәм дә Артсах һакимијјәти бу ҝүндәм үзәриндә фәал ишләјир" - А.Хачатрјан белә дејиб.
Азәрбајҹан торпағындакы сепаратчы режимин ганунсуз "хариҹи ишләр назири" вәзифәсини иҹра едән Давид Бабајан исә белә бир просесә доғру мүәјјән аддымларын атылдығыны билдириб.
“Һәлә дәһлизин бағланмасындан әввәл биз артыг мүвафиг тәклифләр вермишдик, чүнки баша дүшүрдүк ки, сүлһмәрамлыларын бејнәлхалг БМТ мандаты олмаса, белә проблемләр јарана биләр. Мандат онлара тәкҹә сүлһмәрамлы дејил, һәм дә сүлһүн мүһафизәси гүввәси олмаға имкан верир... Русија сүлһмәрамлыларынын бејнәлхалг БМТ мандаты олса, һәр шеј ајдын олаҹаг.
Давид Бабајан дедикләринә нүмунә кими Коссоводакы сүлһмәрамлылары ҝөстәриб: “Билирсиниз, мәсәлән, Косовода бир груп инсанын ҝәлиб һансыса јолу бағламасы бир нөв гејри-мүмкүндүр, чүнки бејнәлхалг мандата малик сүлһмәрамлылар онлары дәрһал дағыдаҹаг вә буну ҝүҹ тәтбиг етмәклә едәҹәкләр", — дејә сепаратчы мәмур билдириб.
Башга бир мәлумата ҝөрә, Азәрбајҹан Республикасынын сепаратчыларын ишғалы алтында олан әразиләриндә сепаратчы режимин бир нечә “депутат” вә диҝәр нүмајәндәләри Кәлбәҹәр рајонунун Дәвәдашы, Һејвалы вә Јајыҹы кәндләриндә мәскунлашмыш ермәниләрлә ҝөрүш кечирибләр.
Неwс.ам-ын јајдығы мәлумата ҝөрә, ҝөрүш заманы сепаратчы мәмур вә "депутат"лар Азәрбајҹан торпағындакы ермәниләрлә Лачын јолунун бағланмасы сәбәбиндән јаранмыш проблемләри мүзакирә едиб, онлары анти-Русија һәрәкәтләриндән; истәр һәр һансы етираз аксијаларындан, истәрсә дә сосиал шәбәкәләрдәки јазылардан чәкинмәјә чағырыблар...
“Русларын бурада олмасынын бөјүк әһәмијјәти вар. Биз онларла бирләшмәлијик, бизим әсас мүттәфигимиз руслардыр. Руслар бизи горумалыдыр ки, биз дә мүгавимәт ҝөстәрә биләк”, - Кәлбәҹәр рајонунун Дәвәдашы кәндиндә Миша Давтјан белә дејиб.
342/
