Ислам Ингилабынын Бөјүк Рәһбәри вурғулајыблар ки, ҝенерал Сүлејмани мүгавимәти мадди, мәнәви вә руһи ҹәһәтләрдән ҝүҹләндирмәклә бу өлмәз вә инкишаф етмәкдә олан феномени сионист режимин, һәмчинин Американын вә диҝәр залым өлкәләрин нүфузлары гаршысында горујуб, тәҹһиз вә бәрпа едибдир.
Һәзрәт Ајәтуллаһулузма Хаменеи бу ҝүн ҝенерал Сүлејманинин аным мәрасиминин тәшкилат комитәсинин үзвләри вә о бөјүк шәһидин аиләси илә ҝөрүшдә, Сејид Һәсән Нәсруллаһын ҝенерал Сүлејманини әвәзолунмаз бир инсан кими тәгдим етмәсини, ҝенерал Сүлејманинин мүгавимәти ҹанландырмаг саһәсиндәки әмәјинин өнәминин дәрк едилмәсиндә, бөјүк бир фәсил адландырыблар.
Фәләстинлиләрин сионистләрлә гаршылашмадакы ирәлиләјишләри, һәмчинин мүгавимәтин Ираг, Сурија вә Јәмәндәки наилијјәтләринә тохунан Ингилаб Рәһбәри әлавә едибләр: Ҝенерал Сүлејмани мүгәддәс мүдафиә илләринин тәҹрүбәләри вә өз көмәкчиләринин мәшвәрәтләриндән истифадә етмәклә, мүгавимәти, һәмин өлкәләрин дахили имканларына сөјкәнмәклә гүдрәтли етди.
О һәзрәт һәмчинин бөјүк ИШИД фитнәсинин дурдурулмасы вә онун бир чох көкүнүн кәсилмәсини ҝенерал Сүлејманинин мүһүм ишләриндән адландырыблар. Билдирибләр ки, шәһид Сүелјмани һәмин мәсәләдә дә имтаһандан јахшы чыхды.
Ислам Ингилабы Кешикчиләри Корпусунун Гүдс Гүввәләринин команданы ҝенерал Исмајыл Гаанинин тәгдирәлајиг фәалијјәтләрини јүксәк дәјәрләндирән Ингилаб Рәһбәри вурғулајыблар ки, мүгавимәт мәҹмуәси өзүнү Иран Ислам Республикасынын стратежи дәринлији вә Исламын гол-ганады һесаб едир вә бу һәрәкәт елә һәмин истигамәтдә давам едәҹәк.
Һәзрәт Ајәтуллаһулузма Хаменеи чыхышларынын диҝәр һиссәсиндә ҝенерал Сүлејманинин иҹтимаијјәт тәрәфиндән јүксәк гијмәтләндирилмәси вә халгын онун мүхтәлиф аным мәрасимләриндәки көнүллү иштиракыны ҝенерал Сүлејманинин сафлығынын нәтиҹәси адландырыб вә гејд едибләр ки, бу ил дә
өтән илдә олдуғу кими, халгын иштиракы әзәмәтлидир.
Башда ҝенерал Сүлејмани олмагла бүтүн шәһидләрин хатирәләринин јашадылмасы ваҹиблијинә тәкид едән Ингилаб Рәһбәри вурғулајыблар ки, мүхтәлиф инҹәсәнәт саһәләриндән истифадә едилмәклә, шәһидин хатирәси, фәрди өзәлликләри вә әмәји јашадылмалыдыр.
