"ИГНА", "Әл-Мәккә"-јә истинадән хәбәр верир ки, ачыгланан елана әсасән, 68, 74, 79, 84, 89, 90, 93, 94 нөмрәли ҝириш гапылары әлилләр үчүн ајрылыб. Бундан әлавә, әлил арабасы илә олан әлилләрин һәрәкәтини асанлашдырмаг үчүн бу ҝиришләрдә пандуслар вә маили сәтһләр јарадылыб.
Бунлардан әлавә олараг, әлиллији олан шәхсләрин һәрәкәтини асанлашдырмаг үчүн хүсуси ишарәли јол нишанлары, хүсуси маршрутлар вә әлиллији олан шәхсләрә хидмәтләрин ҝөстәрилдији јерләри нүмајиш етдирән лөвһәләр гурашдырылыб.
Мәсҹидүл-Һәрам вә Мәсҹидүл-Нәби администрасијасынын рәһбәри Әбдүр-Рәһман Әс-Сәдис Мәсҹидүл-Һарама сәфәри заманы мөвҹуд вәзијјәт вә ҝөстәрилән хидмәтләр барәдә мәлумат вериб. О, Аллаһ евинин зәвварларына чохдилли тәрҹүмә хидмәтләринин ҝөстәриләҹәјини вурғулајыб.
Бу арада, Әтраф Мүһитин Мүһафизәси вә Јолухуҹу Хәстәликләрә Нәзарәт Департаменти Мәсҹидүн-Нәби администрасијасынын бир һиссәси олараг, Мәсҹидүн-Нәби вә онун һәјәтләрини микроблардан вә чиркләндириҹиләрдән тәмиз вә тәһлүкәсиз мүһитә чевирмәк үчүн фәалијјәтини ҝүҹләндирдијини билдирди.
Бу идарәнин дәрҹ етдији елан әсасында микроблары вә патоҝенләри ашкар етмәк үчүн ән мүасир вә габагҹыл ҹиһазлар тәмин едилиб. Һәмчинин Мәсҹидүн-Нәбидә һаванын кејфијјәтинә нәзарәт етмәк үчүн стансија јарадылыб. Бу аваданлыг Мәсҹидүн-Нәбинин һәјәтләриндә хәстәлик јарадан амилләри, еләҹә дә әтраф мүһити чиркләндириҹиләри ашкар етмәјә гадирдир. Тәмизләмә әмәлијјатлары ҝеҹә-ҝүндүз давам едир.
342/
