Иран Ислам Ингилабынын Али лидеринин мүшавири, өлкәнин Хариҹи Әлагәләр үзрә Стратежи Шурасынын сәдри Камал Хәррази бу ҝүн Теһранда үчүнҹү “Теһран Диалог Форуму”нда чыхышы заманы билдириб ки, Иран Ислам Республикасы нүвә технолоҝијасы саһәсиндә јүксәк имканлара саһибдир, ҝүнү-ҝүндән уран јухары дәрәҹәләрдә вә даһа чох инкишаф етдирилмиш сентрифуга ҹиһазлары илә зәнҝинләшдирилир.
Хәррази әлавә едиб: “Бизим атом бомбасы дүзәлтмәјә имканымыз олса да, белә бир мәгсәдимиз јохдур. Мәсәлән мән хариҹи ишләр назири оланда ара-сыра бәзи өлкәләрин рәсмиләри хүсусилә дә дост әрәб өлкәләринин рәсмиләри мүзакирәләр апаранда биздән сорушурдулар ки, сизин ҝүҹүнүз вә имканыныз ола ола нијә нүвә силаһы истеһсал етмирсиниз?. Бу һеч дә ҝизли дејил , илк өнҹә демәлијәм к, бу етигада бағлы бир мәсәләсидир вә биз буну һарам һесаб едирик. Икинҹиси, биз бу иши стратежи ҹәһәтдән проблемләри һәлл едиҹи јол кими ҝөрмүрүк. Диҝәр бир сәбәби исә, Иран нүвә силаһына доғру һәрәкәт етсә, реҝионда диҝәр өлкәләр дә силаһланма јарышына чыхаҹаг вә диҝәрләринин көмәји илә нүвә силаһы истеһсал едәҹәкләр. Елә буна ҝөрә дә, биз 90-ҹы илләрдән реҝионун нүвә силаһы олмајан бир бөлҝә олмасыны истәјирик”, - дејә о вурғулајыб.
342/
