назирлијин бәјанатында Русијанын белә етиразлара мәһәл гојмамасындан наразылыг ифадә олунараг билдирилир: “Тәәссүф едирик ки, Русија Федерасијасынын сүлһмәрамлы континҝенти мүраҹиәтләримизә һәлә дә етинасыз јанашыр. Азәрбајҹан Республикасы әразисиндәки јашајыш мәнтәгәләримизин адларынын ујдурма ермәни топонимләри илә гејд олунмасы, о ҹүмләдән "Дағлыг Гарабағ әразиси" ифадәсинин ишләнмәсинин јолверилмәз олдуғуну бир даһа хатырладырыг”.
Мүдафиә Назирлији сонра Русија Федерасијасынын сүлһмәрамлы континҝентини рәсми мәлуматларында јанлыш ифадәләрдән истифадә етмәмәсини хаһиш едиб.
Гејд олунур ки, Русија Федерасијасынын Мүдафиә Назирлијинин рәсми интернет сәһифәсиндә дәрҹ олунан Русија Федерасијасынын сүлһмәрамлы континҝентинин 30.11.2022-ҹи ил тарихли рәсми мәлуматында "Дағлыг Гарабағ әразиси" кими гејд олунан әрази Гарабағ игтисади рајонудур, “Мардакерт” вә "Мартуни" кими адландырылан Азәрбајҹан јашајыш мәнтәгәләринин рәсми адлары исә мүвафиг олараг Ағдәрә вә Хоҹавәнддир.
Хатырладаг ки, Русијанын Гарабағла бағлы мөвгеји бөлҝәјә јени статусун верилмәсинә көкләниб, ермәни әсилли милјардер Рубен Варданјан исә мәһз Кремлин тәлиматы әсасында бөлҝәјә ҝөндәрилиб. Она ҝөрә дә Русијанын өз рәсми сәнәдләриндә јашајыш мәнтәгәләри үчүн сәһвән дејил, шүурлу шәкилдә ермәни вариантындан истифадә етмәси тәхмин едилир.
342/
