АБШ, нүвә анлашмасынын үч авропалы үзвү јәни Британија, Франса вә Алманија илә бирликдә Ирана гаршы гәтнамә лајиһәси һазырлајыблар; Һансы ки, дејиләнләрә ҝөрә, Бејнәлхалг Атом Енержиси Аҝентлијинин Директорлар Шурасынын иҹласында мүзакирәјә чыхарылаҹаг.
Иранын хариҹи ишләр назири Һүсејн Әмир Абдуллаһиан журналистләрә ачыгламасында дејиб: "Иран Авропа тәрәфләринә лазыми месажлары чатдырыб вә бәзи Авропа хариҹи ишләр назирләри, о ҹүмләдән Авропа Иттифагынын Хариҹи Әлагәләр үзрә Али Нүмајәндәси Ҹозеп Боррел илә мүзакирәләр апарыб".
О, вурғулајыб: "Әҝәр авропалылар бу гејри-конструктив јолу дајандырмасалар,, Иранын гаршылыглы вә тәсирли ҹавабы илә үзләшәҹәкләр".
Иранын хариҹи ишләр назири милли марагларын Ислам Республикасы үчүн ваҹиб олдуғуну бәјан едәрәк, санксијалары арадан галдырмаг үчүн мүзакирә масасында сәјләрини давам етдирәҹәкләрини билдириб.
Әмир Абдуллаһиан гејд едиб ки, америкалылар нүвә разылашмасына чатмаға тәләсдикләринә даир месаж ҝөндәрдиләр. Лакин АБШ-ын Иран мәсәләләри үзрә хүсуси нүмајәндәси Роберт Малли ријакарҹасына мүсаһибәсиндә нүвә данышыгларынын АБШ-ын приоритети олмадығыны вә Ирандакы иғтишашлары дәстәкләмәјә давам етдијини иддиа едир.
342/
