Азәрбајҹан Республикасынын дөвләт башчылары вә күтләви информасија васитәләринин интенсив шәкилдә Иран Ислам Республикасына гаршы бөһтан, гарајахма вә ифтиралары, еләҹә дә анти-Иран тәблиғат кампанијасынын давам етмәси фонунда дүнән ахшам Азәрбајҹан Республикасынын Теһрандакы сәфири Иран Хариҹи Ишләр Назирлијинә чағырылараг она етираз нотасы верилиб.
Азәрбајҹан Республикасынын јүксәк сәвијјәли дөвләт башчылары вә бу өлкә медиаларынын гејри-сәмими ифадәләрилә бағлы Иран Ислам Республикасынын кәскин етиразы вә наразылығы Азәрбајҹан Республикасы сәфиринә бәјан едилиб.
Јаранмыш вәзијјәтдән тәәссүф ифадә едән Азәрбајҹан Республикасы сәфири Ислам Республикасынын етираз һалларыны дәрһал Бакыја әкс етдирәҹәјини билдириб.
Анҹаг ҝөрүнүр Әли Әлизадә бу рәсми Теһранын етиразыны ја дәрһал Бакыја әкс етдирә билмәјиб ја да рәсми Бакы ону динләмәк истәмәјиб. Она ҝөрә ки, Илһам Әлијев бу ҝүн Дашкәнддә етдији чыхышында бир даһа Ирана гаршы мүдахиләчи чыхыш едиб.
Бундан өнҹә Иран Хариҹи Ишләр Назирлијинин рәсми нүмајәндәси Насир Кәнани-Чафи Азәрбајҹан Республикасынын президенти Илһам Әлијевин Иран Ислам Республикасынын Ермәнистаны һимајә етмәси барәдәки сон сөзләринә ҹаваб олараг вурғуламышды ки: Рәсми Теһранын принсипиал сијасәти, бүтүн гоншуларла динҹ јанашы јашама вә әлагәләрин ҝенишләндирилмәси әсасларына сөјкәнир вә гоншулардан һәр бири илә әлагәләрин ҝүҹләндирилмәси, “башга бир гоншуја гаршы әлагәләр” анламына ҝәлмир.
342/
