АХҸП сәдри Әли Кәримли галиб халгын һүгуглары илә бағлы бир статус пајлашыб:
" - Галиб халгын газиләри чарәсизликдән интиһар етмәз;
- Галиб халгын ушаглары дөвләт гајғысындан кәнарда, аҹ-јалаваҹ бөјүмәз;
- Галиб халгын мүбариз өвладлары сијаси мәһбус кими мәһбәсләрдә чүрүдүлмәз;
- Галиб халгын өзүнә парламент, президент сечмәк һүгугу олар…".
"Чалышырлар ки, бу бајрамларын мигјасыны кичилтсинләр"
Мүхалиф дүшәрҝәдә тез-тез вурғулајырлар ки, өлкәдә сәрбәст топлашмаг азадлығы јохдурса, демократик сечкиләр кечирилмирсә, сосиал базалары гијмәтләндирмәк јанлыш нәтиҹәләрә јол ачыр.
Вәтәндаш Һүгуглары Институтунун рәһбәри Бәшир Сүлејманлы АзадлыгРадиосуна билдириб ки, Азәрбајҹанда инсан һүгугларынын горунмасы илә бағлы проблемләр мөвҹуддур: "Вәтәндашларын һәм Конститусијада, һәм диҝәр ганунвериҹиликдә нәзәрдә тутулан, һәм дә бејнәлхалг актларла горунан һүгугларынын мүдафиәсиндә проблемләр галмагдадыр".
Експертин сөзләринә ҝөрә, әсас сијаси азадлыгларла бағлы проблемләрдир: "Өлкәдә сијаси мәһбуслар вар вә јенә дә инсанлар сијаси бахышларына ҝөрә тәгиб олунур, һәтта ифадә азадлығына ҝөрә тәгибләр вар. Сосиал шәбәкәләрдә өзүнү ифадә едән шәхсләр заман-заман тәһдидә, тәзјигә мәруз галырлар".
Лакин, о һесаб едир ки, бајрамларын гејд едилмәси илә инсан һүгугларынын позулмасы арасында паралеллик апармаг дүзҝүн дејил.
шәрһиниз
