Иранын хариҹи ишләр назири Һүсејн Әмир Абдуллаһиан Хариҹи Ишләр Назирлијинин Тәдгигат Мәркәзиндә БМТ Низамнамәсинин Мүдафиәси үзрә Достлар Групунун илк иҹласы чәрчивәсиндә журналистләрә вердији ачыгламада дејиб: "Русија илә мүнасибәтләримиз гоншулуг вә гаршылыглы мараглар үзәриндә гурулуб. Мән бурада вурғуламаг истәрдим ки, бәзи гәрб өлкәләринин Иранын Русијаја Украјна мүһарибәсинә көмәк етмәк үчүн ракет вә пилотсуз тәјјарәләр вердији барәдә һај-күј салмасы, ракет һиссәси илә бағлы иддиалар тамамилә јанлышдыр".
О, әлавә едиб: "Биз Украјна мүһарибәсинин башламасына ајлар галмыш Русијаја аз сајда пилотсуз тәјјарәләр вердик".
Иранын хариҹи ишләр назири даһа сонра дејиб: "Украјнанын хариҹи ишләр назири илә разылашдыг ки, онларда Русијанын Украјнаја гаршы мүһарибәдә Иранын пилотсуз тәјјарәләриндән истифадә етдијинә даир һәр һансы сүбут варса ону бизә тәгдим етсинләр. Бизим ики һәфтә әввәл бир Авропа өлкәсиндә белә бир ҝөрүшүмүз олаҹагды вә сијаси вә мүдафиә нүмајәндә һејәтимиз һәмин Авропа өлкәсинә ҝетди. Амма тәәссүф ки, Украјна тәрәфи сон анларда иштирак етмәди".
О, гејд едиб ки, сәбәб АБШ вә бәзи Авропа өлкәләринин, хүсусән дә Алманијанын Украјнаја бу демәси олуб ки, "Биз јәни Гәрб пилотсуз тәјјарәләрә ҝөрә, Ирана гаршы санксија тәтбиг етмәк истәјирик, сиз исә Авропа өлкәсиндә иранлыларла гәһвә ичмәк истәјирсиниз?".
"Әлбәттә, Русијанын Украјнаја гаршы мүһарибәдә Иран пилотсуз тәјјарәләриндән истифадә етдији бизә сүбут олунарса, биз бу мәсәләјә биҝанә галмајаҹағыг", - дејән Әмир Абдуллаһијан әлавә едиб: "Украјнадакы мүһарибә илә бағлы бизим мөвгејимиз мүһарибәнин дајандырылмасы, тәрәфләрин данышыглара гајытмасы вә гачгынларын өз евләринә гајытмасыдыр вә бу истигамәтдә Иран Ислам Республикасы Украјнада мүһарибә башлајандан бәри чохлу сәјләр ҝөстәрмишдир".
"Бу сәјләр президент вә хариҹи ишләр назири сәвијјәсиндә олуб вә инди дә давам едир. Биз Украјнада мүһарибә битәнә гәдәр сәјләримизи давам етдирәҹәјик", - дејә о, гејд едиб.
342/
