Русијанын Лондондакы сәфири Инҝилтәрәни Русија ҝәмиләринә вә инфраструктуруна пилотсуз тәјјарәләрлә һүҹумларда рәсми шәкилдә иттиһам едиб вә Британијанын Русијаја гаршы һәрби фәалијјәтинин сәнәдләринин тезликлә дәрҹ олунаҹағыны вурғулајыб.
Русијанын Инҝилтәрәдәки сәфири Андреј Келин дејиб: "Британија ордусунун хүсуси тәјинатлы гүввәләринин Гара дәниздә рус ҝәмисинә гаршы һазырладығына даир сәнәдләр вә фактлар Британија сәфиринә, һәмчинин бу өлкәнин Москвадакы һәрби атташесинә чатдырылыб. Британијанын бу һәрәкәтләри тәһлүкәлидир, чүнки ҝәрҝинлији артырыр вә бу, бир хәбәрдарлыгдыр".
Бундан әввәл Русија Инҝилтәрәни Русијадан Авропаја газ нәгл едән "Шимал ахыны" кими танынан стратежи бору кәмәриндә тәхрибат төрәтмәкдә иттиһам едиб.
Русија Мүдафиә Назирлијинин сөзчүсү Игор Конашенков дејиб: “Мөвҹуд мәлуматлара ҝөрә, Британија ордусунун бөлмәси сентјабрын 26-да "Шимал ахыны" газ кәмәрләринә зијан вурмаг үчүн террор акты планлашдырыб вә һәјата кечириб".
Инҝилтәрә ардыҹыл һөкумәт дәјишиклији вә игтисади проблемләр нәтиҹәсиндә јаранан сијаси тәлатүмләрә бахмајараг, Русијаја гаршы санксијалар тәтбиг едән илк өлкәдир.
Рәсми мәлуматлара ҝөрә, бу өлкәдә јохсулларын сајы әһалинин 22 фаизини кечдији һалда, Британијанын һаким партијасы бу јахынларда Украјнаја даһа 54 милјон фунт стерлинглик малијјә вә һәрби јардым пакети елан едиб.
342/
