Иран Ислам Республикасы илә Русија Федерасијасы арасында икитәрәфли әлагәләрин инкишафы үзрә стратежи сәнәди чәршәнбә ахшамы Иранын нефт назири вә Иран-Русија Бирҝә Игтисади Комиссијасынын иранлы һәмсәдри Ҹавад Овҹи вә Русија Баш назиринин мүавини Александр Новак имзалајыб.
Иранын игтисадијјат вә малијјә назиринин мүавини, Иранын Инвестисија вә Игтисади вә Техники Јардым Тәшкилатынын баш директору Әли Фәхри илә Русијанын Игтисадијјат назиринин мүавини Владимир Иличев арасында Инҹә Бурун-Ҝәрмсар дәмир јолу лајиһәсинин електрикләшдирилмәси үчүн кредит сазиши дә имзаланыб.
Бундан әлавә, Иранын Сәһијјә, Мүалиҹә вә Тибби Тәһсил Назирлијинин бејнәлхалг әмәкдашлыг үзрә баш директору Мәһәммәд Һүсејн Никнам вә Русија Федерасијасынын сәһијјә назиринин мүавини Серҝеј Глаголев арасында сәһијјә саһәсиндә икитәрәфли әмәкдашлыг меморандуму имзаланыб.
Һәмчинин, Ирандан "Сина Енержи Ҝостәр Һолдинг"ин баш директору Мәһәммәд Зијар вә Русијанын дөвләтә мәхсус "Промсјриеимпорт" ширкәтинин баш директору Михаил Силантијев дә мәһсул нәгли бору кәмәрләри үзрә ЕПҸ (Мүһәндислик, Сатыналма вә Тикинти) лајиһәләринин һәјата кечирилмәсинә даир анлашма меморандуму имзалајыблар.
Иран вә Русијанын мүштәрәк игтисади комиссијасынын 16-ҹы иҹласы базар ертәси-чәршәнбә ахшамы ҝүнү башлајыб вә Русијанын ев саһиблији илә Иранын Нефт, Хариҹи Ишләр, Игтисадијјат вә Малијјә, Јоллар вә Шәһәрсалма, Енерҝетика, Елм, Тәдгигат вә Технолоҝија, Кәнд Тәсәррүфаты, Идман вә Ҝәнҹләр, Рабитә вә Информасија Технолоҝијалары Назирликләри еләҹә дә Президент Апараты, Ислам Шурасы Мәҹлиси, Силаһлы Гүввәләрин Баш Гәрарҝаһы, Тиҹарәт, Сәнаје вә Хүсуси Игтисади Зоналарын Али Шурасы, Атом Енержиси Тәшкилаты, Иран Мәркәзи Банкы, Иранын Милли Инкишаф Фонду, Милли Стандарт Тәшкилаты, Тиҹарәт Палатасы вә Русијадакы Иран Бизнес Мәркәзинин нүмајәндәләринин иштиракы илә кечирилиб.
342/
