Серҝеј Лавров дејиб: "Авропалылар бундан әввәл дә Русијаја гаршы санксијалардан АБШ-дан гат-гат даһа чох зәрәр ҝөрүбләр. Тәкҹә Русијада дејил, Гәрбдә ҝетдикҹә даһа чох игтисадчы белә гәнаәтә ҝәлир ки, Бирләшмиш Штатлар Авропа игтисадијјатыны тамамилә түкәндирмәк вә сәнајесизләшдирмәјә чалышыр".
Русија хариҹи ишләр назири әлавә едиб: "Авропаны һәрби бахымдан зәифләтмәк, ону даима тәзјиг алтында сахламаг, ону Украјнаја силаһ ҝөндәрмәјә мәҹбур етмәк, бунун әвәзиндә Авропа Иттифагы өлкәләринин силаһ арсеналыны Америка тәҹһизаты илә долдурмаг Вашингтонун марагларына ујғундур".
Бу арада Авропа өлкәләриндә Авропа Иттифагынын Русијаја гаршы санксијаларынын давам етдирилмәсинә етиразлар артыр.
Базар ҝүнү минләрлә Алманија вәтәндашы Дрездендә Русијаја гаршы санксијаларын дајандырылмасы тәләби илә етираз аксијасы кечириб.
Нүмајишчиләр, һәмчинин Алманијадан Русија вә Украјна арасында һазыркы мүһарибәдә битәрәф галмасыны тәләб едибләр.
Нүмајишчиләр вурғулајыблар ки, авропалылар гышда Зеленскијә вә Урсула Вон Дер Лејенә ҝөрә аҹ галмаг вә донмаг истәмирләр.
342/
