һәрәкатын јајдығы бәјанатда дејилир: “Заманла јашанан һадисәләр анти-ислам аб-һавасыны ҝөстәрсә дә, һәр ҝәрҝинлик буна дон ҝејиндирилмәси илә нәтиҹәләниб. Бир чох исламазидд әмәлләри анламаг үчүн гадағаларла үзләшән тәрәфин мәһз шиә әгидәси вә Әһли-бејт (ә) инанҹынын олмасы факты бунун архасында кифајәт гәдәр мараглы олан дөвләтләрин дајандығындан хәбәр верир. Сон һадисәләр исә мәсәләни там ајдынладараг бу өлкәдә һәдәфин Ислам-Әһли-бејт (ә) олдуғуну бариз шәкилдә ортаја гојду.”
Бәјанатда билдирилир: “Иранла јашанан ҝәрҝинлик арзуолунмаз һәддә гәдәр јүксәлиб. Азәрбајҹанын динҹлијинә гәним кәсиләнләр, бу өлкәнин сијаси дурумуна тәсир ҝөстәрәрәк бураны ган ҝөлүнә чевирмәк истәјиндә исрарлыдыр. Шиә әгидәсинә дүшмән олан дөвләтләр вә онларын марагларына Исламы гурбан верән бәзи даирәләр бу јолла шиәлији дүнјада “модерн јумшаг Ислам” адлы јени руһсуз тәлимлә әвәз етмәк истәјирләр. Заманла Азәрбајҹана јанлыш әгидә вә динләр, сијаси дүшүнҹәләри јеритмәјә чалышан бу үнсүрләрин уғурсуз аддымлары сон дөврләр мүҹтәһидләрин һәдәфә алынмасы илә ашкар бир сијасәт сүрдүрмәкдәдир. Ишин давамы исә мөвзуну һәгигәтинин зирвәсинә чәкәрәк Имамәтин белә һәдәфә ҝәтирилмәсинә рәваҹ вериб”.
Бәјанатда гејд олунур ки, ҝүнләрдир һәдәфә алынан дәјәрләрин фонунда Имамәтә ачыг һәгарәт бу аддымын архасында ҝизләнән һәгигәти бир даһа РЕАЛ ТВ екранларындан од олараг пүскүрдү. Ҝүја Ирана гаршы нифрәт сәрҝиләјән, өзүнү јаланчы вәтәнпәрвәр ҝөстәрән үнсүр елә вәтәнинин әгидә бәсләдији инанҹыны планлы ашағыламагла тәһгир етмәси гејд олунан сијасәтин чылпаг формасыдыр. Ејни заманда, һәдәфә алынан хүсуси сималарын да тәсадүфи сечилмәмәси, инсанлығын мүбаризә мејары, һаггын мүдафиә символу, шиәлијин варлығыны инсанлығын анлајаҹағы тәрздә ҝөстәрән Имам Һүсејн (ә) вә онун сәдагәтли, дәјанәтли, гејрәтли бајрагдары Һәзрәт Әбүлфәз Аббас (с.ә.) бу ишдә инҹәләнмәмиш дејил. Азәрбајҹан халгынын ҹанына-ганына һопмуш Әһли-бејт (ә) севҝиси тәкҹә дини мәһәббәт јох, ејни заманда, бу дәјәрләрдән ирәли ҝәлән мүбаризә мәктәбидир.
342/
