Гафгаз мәсәләләри үзрә експерт Мәһәммәдрза Кәффаш “Сәбәлане-Ма” сајтына ачыгламасында Гафгаз бөлҝәсинин Иран Ислам Республикасы үчүн мүхтәлиф аспектләрдән әһәмијјәтини изаһ едәрәк дејиб: “Иран реҝионун таразлығында, о ҹүмләдән реҝионда мүхтәлиф аспектләрдә сабитлијин, тәһлүкәсизлијин бәргәрар едилмәси вә ҝүҹ балансынын горунмасында мүһүм вә еффектив рол ојнајыр. Чүнки өлкәмиз шимал-гәрб реҝионунун сәрһәдләри васитәсилә Гафгазын мүһүм ҝеосијаси реҝиону вә ики гоншу өлкә илә һәмсәрһәддир.”
Експерт сонра дејиб: “Реҝионда мүнагишә вә бөһранларын һәлли үчүн реҝиондан кәнар актјорларын, хүсусилә сионист режимин ҹәлб едилмәсини зәрәрли вә гејри-конструктив һесаб едир вә буну мәсәләләри узатмаг вә мүрәккәбләшдирмәк амили сајыр.”
Онун сөзләринә ҝөрә, бәзи груплар сионистләрин дәстәји илә бөлҝәдә сүлһ вә сабитлик ҝөрмәк истәмирләр. Буна ҝөрә дә онлар истәнилән јолла реҝионда мүһарибә вә бөһран шәраитини сахламаға чалышырлар.
Иранын Астарачајдан Базаргана гәдәр Азәрбајҹан вә Ермәнистанла һәмсәрһәд олдуғуну билдирән експерт бу ики өлкәнин Гарабағ бөлҝәси илә бағлы фикир ајрылыгларына ҝөрә тарихләринин ән һәссас дөврүнү јашадығыны дејиб.
М. Кәффаш тәһлилинин диҝәр һиссәсиндә Иран Ислам Республикасынын Азәрбајҹан Республикасы гаршысындакы бәзи хидмәтләрини ачыглајараг дејиб: “Биринҹи Гарабағ мүһарибәсиндә Иран Азәрбајҹан һөкумәтинин хаһиши илә бу өлкәјә чохлу һәјати әһәмијјәтли јардымлар ҝөстәрди. Силаһ јардымы, һәрби мүшавирләрин ҝөндәрилмәси, Азәрбајҹан Республикасы дөјүшчүләринә һәрби тәлим кечмәк вә азәрбајҹанлы гачгынлар вә көчкүнләр үчүн дүшәрҝәләрин јарадылмасы Иранын дәјәрли фәалијјәтләринин јалныз бир һиссәсидир.”
Кәффаш һәмчинин Иранын бејнәлхалг тәшкилатларда Азәрбајҹан Республикасына вә онун мәзлум халгына сијаси вә дипломатик дәстәјинә ишарә едәрәк дејиб ки, Иран Ислам Республикасы БМТ Тәһлүкәсизлик Шурасынын Азәрбајҹанын ишғал олунмуш рајонларынын азад едилмәси истигамәтиндә 5 гәтнамәсини мүшајиәт едиб, ишғал алтында олан бүтүн әразиләрин азад едилмәсинин зәрурилијини һәмишә вурғулајыб. Иранын бу принсипиал сијасәти Ингилабын Али Рәһбәринин ики ил әввәл рәбиүл-әввәл ајынын 17-дә вердији бәјанатларда ајдын шәкилдә әксини тапыб.
О, анти-Иран даирәләринин иддиаларына, Икинҹи Гарабағ мүһарибәсиндән сонракы дөврдә јаранан һадисәләрә вә ҝәрҝинлијә тохунараг дејиб ки, тамаһкарлыг вә иддиалар бүтөвлүкдә мөвҹуд ҝәрҝинлијин сәвијјәсини артырыр вә Иран Ислам Республикасынын тәһлүкәсизлијинә тәсир ҝөстәриб.
342/
