"Политиҹо" порталынын мәлуматына ҝөрә, бу тәшкилатлар август ајында франсыз фирмасынын Русијада галан фәалијјәтини Русијанын ҹәнуб-гәрбиндәки һәрби базаларда јанаҹаг долдурма әмәлијјатлары илә әлагәләндирән ифшалардан сонра иддиа едибләр ки, "ТоталЕнерҝиес" Русија һөкумәтини "мүһарибә ҹинајәтләри төрәтмәк үчүн зәрури васитәләрлә" тәмин етмәјә көмәк едиб.
Амма Тотал ширкәти иттиһамлары "гејри-ади вә бөһтан" адландырараг, әлавә едиб ки, ширкәт Авропа Иттифагы сијасәтинә вә Авропа санксијасына ҹидди шәкилдә әмәл едир.
"Тотал Енерҝиес"ин августун сонунда Русијанын газ јатағындакы сәһмләрини сатдығыны елан етмәсинә бахмајараг, о, Русијанын икинҹи ән бөјүк тәбии газ истеһсалчысы олан Новатек-ин сәһмләринин 20%-нә саһиб олмагла һәлә дә бу өлкәнин енержи секторунда иштирак едир.
"Ле Монде" һәфтәлик журналынын хәбәринә ҝөрә, јахын вахтлара гәдәр гисмән ТоталЕнерҝиес-ә мәхсус олан Сибир газ јатағындан чыхарылан газ конденсатынын бир һиссәси јанаҹаға чевриләрәк, Украјна сәрһәдинә јахын ики һәрби базаја ҝөндәрилиб. Бу базалардакы дөјүш тәјјарәләринин Украјнада бомбардманларда иштирак етдији иддиа едилир.
Бејнәлхалг Амнистија Тәшкилаты вә вә Инсан Һаглары Ҝөзәтчиси Тәшкилаты иддиа едибләр ки, онларын долајы јолла јанаҹагла тәмин етдикләри рус бөлмәләри Украјна вәтәндашларына зәрбәләр ендирмәклә мүһарибә ҹинајәтләри төрәдибләр, лакин һүҹумун дәгиг јерләрини мүәјјәнләшдирмәк чәтиндир.
342/
