Бир нүмајәндә һејәтилә Анкараја сәфәр едән Ҹавад Оҹи Түркијәнин енерҝетика вә игтисадијјат назирләри- Фатеһ Дөнмәз вә Нурәддин Набати, еләҹә дә Түркијә мәркәзи банкынын баш директору, һәмчинин бу өлкәнин енерҝетика саһәсиндә фәалијјәт ҝөстәрән ири ширкәтләринин башчылары илә ҝөрүшүб.
Ән мүһүм мүзакирә меһвәрләриндән бири, Иран газынын Түркијәјә ихраҹы мүгавиләсинин узадылмасы олубдур ки, ики тәрәф онун принсипләри барәдә разылыға ҝәлиб. Гәрара алыныб ки, мүзакирәләрин давам етдирилмәси үчүн мүгавиләнин узадылмасы мәсәләси үзәриндә ишләмәк истигамәтиндә бирҝә ишчи групу јарадылсын.
Иран газынын Түркијәјә ихраҹы үзрә һазыркы 25 иллик мүгавиләнин мүддәти, 2026-ҹы илдә баша чатыр.
Бу сәфәрдә һәмчинин Ирандан Түркијәјә газ ихраҹаты мигдарынын артырылмасы вә бу маршрутдан газ көчүрүлмәси тутумунун артырылмасы үчүн јени газ ихраҹаты кәмәринин иншасы мәсәләләри мүзакирә едилиб.
Бундан әлавә, Иранын нефт-кимја мәһсулларынын Түркијәјә идхал едилмәси тарифинин азалдылмасы барәдә дә данышыглар апарылыбдыр.
Бу сых вә гыса сәфәрдәки мүзакирәләрин диҝәр истигамәтләри, нефт мәмулатлары тиҹарәти,/ газ, нефт вә енержи секторунда сәрмајә јатырымы үзрә јени мүгавиләләрин шәрһ едилмәси вә тәгдиматы, Иранын енержи үзрә үстгурум вә алтгурум бөлмәләринин лајиһәләриндә сәрмајә гојулушуна Түркијә ширкәтләри вә инвесторларынын дәвәт олунмалары олубдур.
342/
