Ермәнистанын Баш назири Никол Пашинјан Азәрбајҹанын шәрги илә Нахчыван арасында әлагәни тәмин етмәк үчүн Ермәнистан-Азәрбајҹан сәрһәдиндә 3 бурахылыш мәнтәгәсинин ачылмасы илә бағлы Ермәнистан һөкумәтинин гәрар лајиһәсини артыг бир мүддәтдир ачыгландығыны вә һөкумәтин Азәрбајҹан тәрәфиндән бу тәклифә мүсбәт ҹаваб вериләҹәјини ҝөзләдијини дејиб.
Азәрбајҹан ХИН исә бу тәклифи рәдд едиб:“Ермәнистан 2020-ҹи илин нојабрында имзаланмыш үчтәрәфли бәјанатдакы өһдәликләриндән јајынмаг үчүн сахта бәһанәләрә сон гојмалыдыр”, -Азәрбајҹан Хариҹи Ишләр Назирлијинин рәсми "Тwиттер" һесабында гејд едилиб.
2020-ҹи илин нојабрында имзаланмыш үчтәрәфли бәјаната әсасән, бөлҝәдәки бүтүн игтисади вә нәглијјат әлагәләри бәрпа едилир. Ермәнистан Республикасы вәтәндашларын, нәглијјат васитәләринин вә јүкләрин һәр ики истигамәтдә манеәсиз һәрәкәтинин тәшкили мәгсәдилә Азәрбајҹан Республикасынын гәрб рајонлары вә Нахчыван Мухтар Республикасы арасында нәглијјат әлагәсинин тәһлүкәсизлијинә зәманәт верир.
Тәрәфләрин разылығы әсасында Нахчыван Мухтар Республикасы илә Азәрбајҹанын гәрб рајонларыны бирләшдирән јени нәглијјат коммуникасијаларынын иншасы тәмин едиләҹәк.
Ермәнистан тәрәфи үчтәрәфли бәјанатын бу бәндинә истинад едәрәк Нахчыванла Азәрбајҹанын шәрги арасында Ермәнистанын нәзарәтиндә олан јоллар васитәси илә коммуникасијаларын бәрпа едилмәсини билдирир. Рәсми Бакы исә үчтәрәфли бәјанатда өз әксини тапмыш олмаса да Ермәнистандан дәһлиз тәләб едир. Бу исә сүлһ мүзакирәләринин узанмасы вә нәтиҹәсиз галмасына аәбәб олуб.
342/
