бу телефон данышығында Иранын хариҹи ишләр назири Боррелин бүтүн тәрәфләрә сазишдәки өһдәликләринә гајытмаға көмәк етмәк үчүн ҝөстәрдији конструктив сәјләри јүксәк гијмәтләндириб вә дејиб: "Америка тәрәфинин бәзи зиддијјәтли медиа бәјанатларына бахмајараг, инди разылыға ҝәлмәк үчүн атылан аддымлар дүзҝүн јолдадыр вә бу бахымдан биз Бејнәлхалг Атом Енержиси Аҝентлијинин техники аспектдә әмәкдашлығыны алгышладыг".
Сон һадисәләрә вә ханым Мәһса Әмининин вәфатына тохунан Әмир Абдуллаһиан дејиб: "Ханым Әмининин вәфаты һамымыз үчүн тәәссүф доғурур, әлбәттә, бу мәсәлә бәзи Гәрб рәсмиләри үчүн садәҹә бир бәһанәдир".
О, динҹ тәләбләрин хаос, гәтл, јандырма вә террор әмәлијјатларындан ајры бир мәсәлә олдуғуну билдириб вә әлавә едиб: "Авропада иғтишашларла ән шиддәтли гаршыдурма јахшы вә мәгбул бир һәрәкәт сајыла, амма ејни акт Иранда һүгуги чәрчивәдә репрессија һесаб олуна билмәз".
Авропа Иттифагынын хариҹи сијасәт рәһбәри Ҹозеп Боррелл дә өз нөвбәсиндә нүвә анлашмасынын ҹанландырылмасы илә бағлы Вјана вә Нјо-Јоркда әлдә едилән ирәлиләјишләрдән мәмнунлуғуну ифадә едиб вә МАГАТЕ илә Иран арасында әмәкдашлығын ваҹиблијини вурғулајыб.
Боррлл дејиб: "Иран вә АБШ арасында мәһбусларын мүбадиләсинә даир разылашма мүһүм мәсәләдир вә биз буну разылыға ҝәлмәк үчүн ирәлијә доғру аддым һесаб едирик".
Боррелл Авропа Иттифагынын Иранын дахили ишләринә гарышмаг нијјәтиндә олмадығыны да вурғулајыб.
342/
