Азәрбајҹан Республикасы Али Мәһкәмәнин сәдр мүавини Чинҝиз Әсҝәров Сосиал Тәдгигатлар Мәркәзинин (СТМ) тәшкилатчылығы илә “Ермәнистанын Азәрбајҹана гаршы мүһарибә ҹинајәтләри сон 30 илдә” мөвзусунда кечирилән конфрансда дејиб.
Али Мәһкәмәнин сәдр мүавини вурғулајыб ки, 2020-ҹи илин октјабрында Азәрбајҹан дөвләти Авропа Мәһкәмәсинә дөвләтләрарасы шикајәтлә мүраҹиәт едиб:
“2021-ҹи илин јанвар ајында Азәрбајҹан бөјүк бир дөвләтләрарасы шикајәти тәгдим етмишдир. Һәмин шикајәтдә әлбәттә ки, Ермәнистанын төрәтдији мүһарибә ҹинајәтләрини тәшкил едән әмәлләр тәфәррүатлы олараг әкс етдирилиб.
Азәрбајҹанлы рәсми Авропа Мәһкәмәсинин әдаләтли гәрар гәбул едәҹәјинә үмид етдијини билдирмәсинә рәғмән бу мәһкәмә вә онун мәнсуб олдуғу христиан клубу ләгәби илә танынан Авропа Бирлији сон 30 ил әрзиндә Азәрбајҹан Республикасынын әразиләринин ишғалына вә бу өлкә халгына гаршы төрәдилән ҹинајәтләрә ҝөз јуммушдур. Анҹаг һәмин бирлијин гурумлары вә онун үзв өлкәләри сон ҝүнләр бир ермәни әсиринә гаршы зоракылығы әкс етдирән видеоја дәрһал реаксија верди вә Азәрбајҹан Республикасы ордусуну ҹинајәткарлыгда иттиһамландырды.
342/
