Гејд едәк ки, АБШ Сенатынын Хариҹи ишләр үзрә Комиссијасынын сәдри Роберт Менендездән сонра сенатор Кристофер ван Һоллен дә 2023-ҹи ил үчүн “Милли Мүдафиә Малијјәләшмә Гануну”на (НДАА) Түркијәјә Ф-16-ларын верилмәси вә модернизасија һаггында дәјишиклик үчүн јени шәртләр пакетини тәгдим едиб. Бу шәртләрә ҝөрә, Түркијә Ф-16-лар илә Јунаныстан үзәриндә иҹазәсиз учуш кечирә, гырыҹылардан Суријада күрд силаһлы груплары ПЈД вә ЈПҜ еләҹә дә Суријадакы АБШ-ын диҝәр гејри-гануни мүттәфигләринә гаршы истифадә едә билмәз. Һәмчинин Финландија вә Исвечин НАТО-ја үзвлүјү тәсдиг едилмәдән Түркијәјә Ф-16-ларын верилмәмәси дә шәрт кими гојулур.
Ҝенерал Јүҹел Карауз дејиб: “Өнҹә бизи Ф-35 лајиһәсиндән чыхардылар, инди исә Ф-16-лар үчүн јени шәртләр ирәли сүрүрләр. Әслиндә тәјјарәләри вермәмәк үчүн белә гәбуледилмәз шәртләри әлавә едирләр.
Кечмиш һәрби атташә АБШ вә гәрб дөвләтләринн Түркијәни зәифләтмәји планлашдырдыгларыны хатырладыб анҹаг санксијаларын Түркијәни ҝүҹләндирдијини билдириб: Белә сүни әнҝәлләр, ембарголар анҹаг Түркијәни ҝүҹләндирир. Бу ҝүн өлкәмиздә мүасир мүдафиә сәнајесинин инкишафында 1974-1980-ҹи илләр арасында АБШ-ын, сонра исә Алманија вә Исраилин тәтбиг етдији санксијаларын, гадағаларын “ролу” вар. Түркијә дөјүш тәјјарәси вә пилотсуз тәјјарә үзәриндә апарылан ишләри сүрәтләндирәҹәк вә АБШ өз мәгсәдләринә чатмајаҹаг.
Һәрби експерт ону да хатырладыб ки, гәрбин силаһ санксијалары гаршысында рәсми Анкара өз алтернативләрини нәзәрдән кечирәҹәк.
342/
