Сәфәр отуз саатдан аз бир мүддәт сүрсә дә, онун нәтиҹәләри Иранла хәзәрјаны өлкәләр арасындакы игтисади әмәкдашлыгларын ҝәләҹәјини узун илләр үчүн тәзмин едибдир.
Хәзәр дәнизи саһили өлкәләринин 2-ҹи игтисади форуму һәмчинин Иранын игтисадијјат, нефт, кәнд тәсәррүфаты ҹиһады назирләри, һабелә хариҹи ишләр, еләҹә дә сәнаје, мәдән вә тиҹарәт назирләринин мүавинләри үчүн ики вә чохтәрәфли мәшвәрәт вә мүзакирәләр апармаг истигамәтиндә бир фүрсәт иди.
Енержи, һәмчинин нефт вә газ свопу саһәләриндә әмәкдашлыг мәсәләси бу өлкәләрин әксәријјәтилә разылашмаларын әлдә олундуғу мүһүм мөвзулардан бири олуб. Һәмчинин нефт вә газ јатагларынын ҝенишләндирилмәси мәсәләси дә хүсуси диггәтдә сахланылыб.
Гида тәһлүкәсизлији мәсәләләри вә кәнд тәсәррүфаты имканларындан истифадә, беш хәзәрјаны өлкә арасындакы һәмкарлыгларын мүһүм мәсәләриндәндир.
Русија вә диҝәр хәзәрјаны өлкәләрлә ҝөмрүк, банк вә пул саһәләриндәки разылыглар, еләҹә дә шимал-ҹәнуб дәмирјолу дәһлизинин баша чатдырылмасына тәкид, Хәзәр игтисади форумунун диҝәр наилијјәти олуб.
Јекунлашдырманы беш саһәдә тәгдим етмәк олар. Биринҹиси, шимал-ҹәнуб коридору иҹрасынын сүрәтләндирилмәси. Икинҹиси, нефт вә газ свопунун артырылмасы. Үчүнҹүсү, јашыл ҝөмрүк маршрутундан истифадә. Дөрдүнҹүсү, милли валјуталарла һесаблашма вә банк системләринин бир-бириләрилә говушмалары. Бешинҹиси исә, тиҹарәт һәмкарлыглары шурасынын јарадылмасы.
342/
