Лејла Абдуллајева дејиб: "Октјабрын 5-дә Франса Милли Ассамблејасы ермәнипәрәст үзвүнүн Азәрбајҹана гаршы иттиһам долу вә Ермәнистана даһа чох дәстәк ҝөстәрилмәси илә бағлы суалыны ҹавабландыран Франсанын Авропа вә хариҹи ишләр назири Катрин Колонна ермәни халгы илә һәмрәј олдугларыны сәсләндириб вә Азәрбајҹанла бағлы тамамилә әсассыз чағырышлар едиб".
Азәрбајҹан Хариҹи Ишләр Назирлијинин Мәтбуат хидмәти идарәсинин рәиси Лејла Абдуллајева сөзләринә ҝөрә, илк дәфә дејил ки, Франса рәсмиләри тәрәфиндән биртәрәфли вә ермәнипәрәст мөвге нүмајиш етдирилир: "Назир Колоннанын Ермәнистан тәрәфинин бу ҝүнәдәк төрәтдији чохсајлы мүһарибә ҹинајәтләринин, инсанлыг әлејһинә ҹинајәтләрин арашдырылмасы илә бағлы һеч бир чағырыш етмәмәси дә диггәтдән јајынмыр. Тәәссүф ки, сон 30 илдә Франса рәсмиләри тәрәфиндән Ермәнистанын төрәтдији һәрби ҹинајәтләрлә бағлы бир дәнә дә олсун чағырыш едилмәјиб. Сәбәби бизә бәллидир,
Лејла Абдуллајева Авропанын апарыҹы гүввәси олан, бејнәлхалг һүгуг принсипләринин кешикчиси кими өзүнү тәгдим едән, Азәрбајҹанла Ермәнистан арасында мүнасибәтләрин нормаллашмасы просесиндә васитәчи олмаг истәјән бир өлкәнин рәсмисинә нејтрал, гәрәзсиз вә әдаләти мөвге тутмағы төвсијә едиб.
Азәрбајҹан Республикасы ХИН рәсмиси Ермәнистан силаһлы гүввәләри тәрәфиндән Азәрбајҹанын икинҹи бөјүк шәһәри олан Ҝәнҹә шәһәринин ракет һүҹумуна мәруз галмасынын вә онларла динҹ инсанын һәјатына сон гојулмасынын 2 -ҹи илдөнүмү ҝүнләрини хатырладараг дејиб:Бу һәрби ҹинајәтә ҝөрә Ермәнистан тәрәфиндән бу ҝүнәдәк һеч ким мәсулијјәтә ҹәлб едилмәјиб. Франса хариҹи ишләр назирини бу мәсәлә илә бағлы Ермәнистан тәрәфинә чағырыш етмәјә дәвәт едирик".
342/
