Инҝилтәрә хариҹи ишләр назирлији башчыларынын мүдахилә маһијјәтли сөзләринә реаксијада бу өлкәнин Ирандакы сәфири Сајмон Шерклиффи дүнән Иран хариҹи ишләр назирлијинә чағыртдырылыб.
Мәһса Әмининин вәфаты бәһанәсилә сон ҝүнләр иғтишашчы үнсүрләр әкс-ингилабчы медиаларын тәһрикләрилә Иранын бәзи шәһәрләриндә күчәләрә чыхмагла иҹтимаи әмлакы дағытмаға башлајыблар.
Америка вә Гәрб һөкумәтләри сон ҝүнләр асылы медиаларла паралел сурәтдә иғтишашлар һагда јалан хәбәр вә мәлуматлар јајыблар.
Иран хариҹи ишләр назирлијинин Гәрби Авропа шөбәсинин мүдири Инҝилтәрәнин Ирандакы сәфири Сајмон Шерклиффлә ҝөрүшдә дејиб: Иран Ислам Республикасы Инҝилтәрә хариҹи ишләр назирлијинин сахта вә тәһрикедиҹи тәбирләрлә Иранын дахили ишләринә гарышмасыны рәдд едир вә гәтијјәтлә писләјир.
Иран хариҹи ишләр назирлијинин Гәрби Авропа шөбәсинин мүдири әлавә едиб: Инҝилтәрә тәрәфи биртәрәфли вә сечимли бәјанатлар вермәклә ҝөстәрир ки, әслиндә бу өлкәдә Иран Ислам Республикасына гаршы фәалијјәт ҝөстәрән әкс-ингилабчыларын ссенаријаратмаларында паја маликдир.
Иран хариҹи ишләр назирлијинин Гәрби Авропа шөбәси мүдиринин сөзләринә ҝөрә, Иран Ислам Республикасы инҝилтәрәли тәрәфин һәр һансы гејри-ади һәрәкәтинә гаршылыглы ҹаваб истигамәтиндә мүмкүн олан сечимләри нәзәрдә тутаҹагдыр.
342/
