“Русија Федерасијасы илә Донетск Халг Республикасы арасында Донетск Халг Республикасынын Русија Федерасијасына гәбул едилмәси вә Русија Федерасијасынын тәркибиндә јени субјектин јарадылмасы һаггында гүввәјә минмәмиш бејнәлхалг мүгавиләнин танынмасы Русија Федерасијасынын Конститусијасына ујғундур", - дејә Русија Конститусија Мәһкәмәсинин гәбул етдији гәрарда дејилир.
Охшар гәрарлар "ЛХР", еләҹә дә Запорожје вә Херсон вилајәтләри илә бағлы да верилиб.
Русија Президенти Владимир Путинин Херсон вә Запорожје вилајәтләринин, "Донетск вә Луганск Халг Республикалары"нын Русија Федерасијасына гәбул едилмәси вә Русија тәркибиндә јени субјектләрин јарадылмасы һаггында мүгавиләләрин конститусијаја ујғунлуғунун нәзәрдән кечирилмәси илә бағлы тәләбләри ҹүмә ҝүнү Конститусија Мәһкәмәсинә дахил олуб.
Гејд едәк ки, бу ҝүн Кремл Сарајынын Ҝеорҝијевски залында јени әразиләрин Русија Федерасијасына дахил олмасына даир мүгавиләләрин имзаланмасы мәрасими кечирилиб. Она русијалы сенаторлар вә депутатлар дәвәт олунуб.
Хатырладаг ки, "ДХР", "ЛХР", Херсон вә Запорожје вилајәтләриндә сентјабрын 23-дән 27-дәк референдумлар кечирилиб,вә дејиләнләрә ҝөрә, вәтәндашлар субјектләрин Русијаја дахил олмасына сәс верибләр.
Сентјабрын 30-да Русија президенти Владимир Путин јени әразиләрин - јәни "Донетск халг Республикасы"нын, "Луганск Халг Республикасы"нын, Запорожје вә Херсон вилајәтләринин Русија Федерасијасына бирләшдирилмәси барәдә сәнәдләри имзалајыб. Имзаланма мәрасими Кремлин Ҝеорҝијевски залында баш тутуб.
342/
