сәфир Сејид Аббас Мусәви билдириб ки, бундан әлавә, Иранын игтисадијјат назиринин Бакыда кечириләҹәк Ислам Әмәкдашлыг Тәшкилатынын игтисадијјат назирләринин топлантысында иштирак етмәси нәзәрдә тутулуб. Тәбии ки, ҝүндәмдә башга програмлар да вар ки, онлар тәсдигләнән кими ачыгланаҹаг.
О гејд едиб ки, Игтисадијјат Назирлији илә әлагәли шәкилдә бәзи Иран ширкәтләри ишғалдан азад едилмиш әразиләрдә ишә башламаг үчүн һазырлыгларыны јекунлашдырмагдадыр вә тезликлә ишә башлајаҹаглар. Анҹаг ҝөзләнтиләримиз бундан артыгдыр. Иран ширкәтләринин кејфијјәти вә рәгабәт габилијјәти јүксәкдир.
Хатырладаг ки, ијул ајында Иран президенти Сејид Ибраһим Рәиси мәтбуат нүмајәндәләринә ачыгламасында дејиб ки, Иранла Азәрбајҹан арасында мүнасибәтләрин јүксәлән хәтлә инкишаф етмәси реҝионда сәмәрәли әмәкдашлыға сәбәб олаҹаг.
Президент билдириб ки, Иран-Азәрбајҹан әлагәләринин даһа да инкишаф етмәси үчүн һеч бир манеә јохдур. Бу әлагәләр игтисади артым вә сијаси сабитлијин әсасыны тәшкил едир. Әлагәләрин бүтүн саһәләр үзрә инкишаф етмәси халгларын да јахынлашмасында мүһүм рол ојнајаҹаг.
Рәиси нәзәрә чатдырыб ки, Азәрбајҹан президенти Илһам Әлијеви Ирана рәсми сәфәрә дәвәт едиб. Сәфәрин реаллашаҹағы тәгдирдә гаршылыглы фајдалы әмәкдашлыг әлагәләринин инкишафында сычрајыш мүшаһидә едәҹәјик.
Иран Президенти бүтүн саһәләр үзрә әлагәләрин ҝенишләндирилмәси үчүн һәр ики өлкәнин бөјүк потенсиала малик олдуғуну вә бу потенсиалдан сәмәрәли истифадә едилмәсинин зәрурилијини дә диггәтә чатдырыб.
342/
