Никол Пашинјан дејиб: “Әҝәр Азәрбајҹан 1991-ҹи ил декабрын 18-дә МДБ-нин јарадылмасы һаггында имзаланмыш мүгавилә әсасында Ермәнистан Республикасынын әрази бүтөвлүјүнү таныјарса, Ермәнистан бу әсасда әрази бүтөвлүјүнүн гаршылыглы танынмасына ҝетмәјә һазырдыр.”
Баш назир әлавә едиб: “Ермәнистан Республикасынын әразиси 29,8 мин квадрат километрдир. Бу, Ермәнистан Республикасынын бејнәлхалг сәвијјәдә танынмыш сәрһәдләридир. Буну дејәндән сонра нијә кимсә мәнә сатгын десин? О кимдир? Онлар һесаб едирләр ки, Ермәнистанын әразиси әслиндә 300 мин квадраткилометрдир вә биз 300 мин квадрат километрә чатмадыгҹа һеч бир сәрһәд танымамалыјыг? Бурада белә дүшүнәнләр вар. Ола билсин ки, бәзиләри дејәрләр ки, Ермәнистанын дәниздән дәнизә узанан әразиси вар вә она ҝөрә дә мәни хәјанәтдә иттиһам едирләр. Амма бизим фикримизҹә, сүлһ мүгавиләсинин әсасы белә олмалыдыр вә мәнтиглидир: Ермәнистан вә Азәрбајҹанын әрази бүтөвлүјүнүн гаршылыглы танынмасы”, - дејә Пашинјан әлавә едиб.
342/
