Никол Пашинјан дејиб: "Бәзи өлкәләр, о ҹүмләдән мүттәфигләримиз бизә јүз милјонларла доллар дәјәриндә силаһ-сурсат вермәкдән имтина едибләр. Һалбуки бунун үчүн илкин сифариш верилмишди."
Баш назир әлавә едиб: "Јүз милјонларла доллар өдәнилиб, лакин тәдарүк өһдәликләри мүттәфиг өлкәләр тәрәфиндән јеринә јетирилмәјиб. Бунлар ағрылы реаллыглардыр вә биз вәзијјәти дәриндән тәһлил етмәлијик".
Онун сөзләринә ҝөрә, бу, јалныз бир мәгсәдлә һәјата кечирилир - Ермәнистанын суверенликдән, дөвләтчиликдән, әрази бүтөвлүјүндән әл чәкмәси: “Анҹаг вурғуламаг истәјирәм ки, бүтүн амилләрә бахмајараг, биз мүстәгиллијимизи вә суверенлијимизи мүдафиә етмәкдә гәтијјәтлијик”, - дејә Пашинјан гејд едиб.
Бу арада Економик Тајмс” нәшри мәлумат јајыб ки, Һиндистан Ермәнистана тәхминән 250 милјон доллар дәјәриндә силаһ вә сурсат ҝөндәрәҹәк.
Гејд олунур ки, сентјабрын әввәлиндә ики өлкәнин һөкумәтләри арасында мүвафиг мүгавиләләр имзаланыб. Мүгавиләләрин дәјәри ачыгланмајыб, лакин мәлумата ҝөрә, 20 милјард рупидән данышмаг олар ки, бу да долларла һесабландыгда 244 милјондан чохдур.
Билдирирләр ки, сифариш јерли истеһсал олан “Пинака” ракет системләринин илк ихраҹыны әһатә едир.
Һәмчинин, разылашманын бир һиссәси олараг Һиндистан Ермәнистана танк әлејһинә ракетләр вә бир сыра диҝәр һәрби сурсатлар да верәҹәк.
Һәрби аналитикләр билдирирләр ки, бу вахтадәк Русија Ермәнистанын силаһ вә һәрби технкаја олан еһтијаҹларыны тәмин едирди, Украјна мүһарибәси исә тәдарүкүн давам етмәсинә вә Русијадан мүттәфиг өлкәләрә һәрби техниканын ихраҹатына имкан вермир. Она ҝөрә дә рәсми Ирәван диҝәр силаһ ихраҹатчыларына үз тутуб.
342/
