Ирагын Сәдр һәрәкатынын лидери Мүгтәда Сәдр јаздығы твитдә илк нөвбәдә мүсәлманлар сонракы мәрһәләдә исә диҝәр динләр арасында зоракылыг вә фикир ајрылыгларынын дајандырылмасынын вә дини етигад азадлығыны позан һәр кәсдән бәраәт газанмағын ваҹиблијини вурғулајыб.
О, һәмчинин зоракылыгдан истифадә едәнләрдән, фитнә вә мәзһәб ихтилафлары јајанлардан бәраәт газанмағын ваҹиблијини вурғулајараг, мүсәлманларын чохлуг тәшкил етдији өлкәләр арасында бүтүн мүһарибәләр вә мүнагишәләрин дајандырылмасына вә инанҹлара һөрмәтсизлик етмәмәјә чағырыб.
2021-ҹи ил сечкиләриндән сонра кечән октјабр ајында Ирагда јени һөкумәтин гурулмасы просеси нәтиҹәсиз галдыгдан сонра Ирагын Координасија Чәрчивәси Мәһәммәд Шиа әл-Суданини баш назирлијә намизәд кими тәгдим етди. Лакин Ирагын Сәдр һәрәкаты бу сечимә гаршы чыхды, беләликлә дә өлкә сијаси далана дирәнмәнин јени мәрһәләсинә гәдәм гојду.
342/
