бәјанатда билдирилир ки, бејнәлхалг сәвијјәдә танынмыш сәрһәдләрин вә өлкәләрин әрази бүтөвлүјүнүн горунмасы гачылмаз бир зәрурәтдир вә онун позулмасы гәбуледилмәз олараг бејнәлхалг һүгугун принсипләринә зиддир.
Иран Ислам Шурасы Мәҹлисинин Милли Тәһлүкәсизлик вә Хариҹи Сијасәт Комиссијасы тәрәфиндән јајылан бәјанатын там мәтни беләдир:
Аллаһын ады илә
Ислам Шурасы Мәҹлиси Милли Тәһлүкәсизлик вә Хариҹи Сијасәт Комиссијасы тәһлүкәсизлик вә хариҹи сијасәтлә бағлы мәсәләләри изләјән ихтисаслашмыш комиссија олараг Ҹәнуби Гафгаз реҝионунда баш верән һадисәләрлә бағлы мүвафиг гурумларын вә експертләрин иштиракы илә бу һәфтә бир сыра иҹласлар кечирди вә үмид едир ки, нәтиҹәләри өлкәнин фундаментал мәгсәдләринә, реҝионал сабитлик вә тәһлүкәсизлији мүмкүн гәдәр дәгиг тәмин олунмасына көмәк едәҹәкдир.
Тәәссүф ки, сон ајларда бәзи һәрәкәтләр бу һәссас бөлҝәдә просесләрин, тәһлүкәсизлик вә сијаси тәртибатын позулмасына јол ачды.
Ислам Шурасынын Милли Тәһлүкәсизлик вә Хариҹи Сијасәт Комиссијасы мәсәләнин инкишафыны вә әһәмијјәтини нәзәрә алараг, бејнәлхалг сәвијјәдә танынмыш сәрһәдләрин вә өлкәләрин әрази бүтөвлүјүнүн горунмасынын гачылмаз бир зәрурәт олдуғуну вурғулајараг, онун һәр һансы бир шәкилдә позулмасыны јолверилмәз, бејнәлхалг һүгуг принсипләринә зидд һесаб едир. Иран Ислам Республикасы реҝион өлкәләрини меһрибан гоншулуг мүнасибәтләринә риајәт етмәјә чағырыр вә шүбһә јохдур ки, о, бејнәлхалг сионизмин вә НАТО-нун реҝионда ҝеосијаси тәхрибат планлары шәклиндә һәјата кечирдији фитнәләрә гаршы лазыми, гәти вә вахтында реаксија верәҹәк. Вә дајаныглы сүлһ вә тәһлүкәсизлији позан амбисијалары вә ујдурма тарихи рөјалары бу реҝионун тарихи реаллығындан вә ҝеосијаси тәләбләриндән узаг һесаб едир.
Ислам Шурасы Мәҹлисинин Милли Тәһлүкәсизлик вә Хариҹи Сијасәт Комиссијасы үзәриндә олан миссија вә вәзифәсинә әсасланараг, бу бөлҝәдә баш верәнләри әлавә һәссаслыг вә дәгигликлә ҝүндәмдә сахламаға, милли мараглара ујғун олараг лазыми тәдбирләри ҝөрмәјә давам едәҹәк вә Иран халгынын гәти һүгугларынын кешијиндә дураҹагдыр.
342/
