Иранын хариҹи ишләр назири бу ҝөрүшдә Јәмәнин ҝәләҹәји илә бағлы сон гәрар верәнин бу өлкәнин халгы олдуғуна ишарә едәрәк, вурғулајыб: "Иран Ислам Республикасы бөјүк Јәмән халгы үчүн сүлһ, сабитлик вә тәһлүкәсизлик истәјир вә әминдир ки, сабитлик вә бу өлкәнин тәһлүкәсизлији бүтүн реҝионун вә Фарс көрфәзинин сабитлијинә вә тәһлүкәсизлијинә бирбаша тәсир ҝөстәрир".
Әмир Абдуллаһиан вурғулајыб ки, Јәмәндә мөвҹуд вәзијјәтин вә атәшкәсин давам етдирилмәси бу мәһрум халгын үзәриндән блокаданын галдырылмасындан асылыдыр.
О, вурғулајыб ки, чәтин һәјат сүрән вә дәрман, јемәк вә ичмәли су кими илкин еһтијаҹлара чыхышы олмајан 20 милјон јәмәнли гадын, ушаг вә кишинин талејинә биҝанә галмаг олмаз.
БМТ-нин Јәмән үзрә хүсуси нүмајәндәси дә өз нөвбәсиндә Иран Ислам Республикасынын конструктив һәрәкәтләринә ҝөрә миннәтдарлығыны билдириб вә БМТ-нин хүсуси нүмајәндәси кими миссијасынын әввәлиндән атәшкәсин јарадылмасына чалышдығына ишарә едиб.
342/
