Русија ХИН билдириб ки,баш верән террор акты нәтиҹәсиндә Русија сәфирлијинин ики әмәкдашы һәјатыны итириб.
"Сентјабрын 5-дә Кабил вахты илә саат 10:50-дә Русијанын Кабилдәки сәфирлијинин консуллуг бөлмәсинин ҝиришинин јахынлығында намәлум силаһлы партлајыҹы гурғуну ишә салыб. Һүҹум нәтиҹәсиндә дипломатик миссијанын ики әмәкдашы һәлак олуб, өләнләр арасында Әфганыстан вәтәндашлары да вар. Сәфирлик тәһгигат апаран Әфганыстан тәһлүкәсизлик хидмәтләри илә сых тәмасдадыр", дејә Русија ХИН-нин јајдығы бәјанатда билдирилиб.
Русија Президентинин сөзчүсү Дмитри Песков да Әфганыстанын пајтахты Кабилдә, Русија сәфирлијинин јахынлығында баш верән партлајыша мүнасибәт билдириб.
“Биз бу һадисәни писләјирик. Әлбәттә, сөһбәт террор актындан ҝедир”, - Д.Песков сөјләјиб.
Русија хариҹи ишләр назири Серҝеј Лавровда һадисәјә мүнасибәт билдирәркән “Русијанын Кабилдәки сәфирлијинә гаршы террорчу һүҹуму төрәдәнләрин тезликлә мүәјјәнләшдириләҹәкләринә үмид едирик” дејиб.
Информасија мәнбәләринин билдирдикләринә ҝөрә бу һүҹум нәтиҹәсиндә 15-20 нәфәр һәлак олуб. Партлајыш тәһсил визасы алмаг үчүн консуллуг гаршысында издиһам вахты баш вериб.
342/
