Алманија Пилотлар Һәмкарлар Иттифагы тәрәфиндән верилән ачыгламаја ҝөрә, тәтил јерли вахтла ҹүмә ҝүнү саат 00:01-дә башлајыб вә саат 23:59-а гәдәр давам едиб.
Тәтиллә әлагәдар олараг, сәрнишинләрә хидмәт ҝөстәрмәк үчүн мүмкүн мәркәзләр хејли азалыб, она ҝөрә дә сәрнишинләрә алтернатив рејсләр тәклиф олунма еһтималы чох аздыр.
Ҹүмә ҝүнү Франкфурт вә Мүнһен мәркәзләриндән демәк олар ки, бүтүн Луфтһанса учушлары ләғв едилиб.
"Шәнбә вә базар ҝүнләри даһа чох учуш ләғви вә ја ҝеҹикмәләр ола биләр", - дејә авиаширкәт хәбәрдарлыг едиб.
Луфтһанса Пилотлар Һәмкарлар Иттифагы маашларын артырылмасы илә бағлы рәһбәрликлә апарылан данышыгларда һеч бир ирәлиләјиш әлдә едә билмәдији үчүн ҹүмә ҝүнү учушлары һәјата кечирмәмәк гәрарына ҝәлиб.
342/
