Еммануел Макрон Әлҹәзаирин Вәһран шәһәринә сәфәри заманы бу шәһәр әһалисинин аксијасы илә үзләшиб. Әлҹәзаирә сәфәри барәдә јајылан видеода Макронун мүһафизәчиләри ону сүрәтлә машына миндирәркән аксијачылар “Јашасын, Әлҹәзаир!” шүары верирләр.
Бу халг етиразларындан сонра сәфәрини јарымчыг гојан Макрон Вәһран шәһәрини тәрк едиб.
Макрон һазырда сон беш илдә Әлҹәзаирә икинҹи сәфәрини һәјата кечирир. О, ики өлкәнин тарихи үзрә мүтәхәссис зијалылар вә иш адамлары дахил олмагла дохсан шәхсијјәтдән ибарәт нүмајәндә һејәтини Парисдән өзү илә бу сәфәрә апарыб. Бундан әлавә, једди назир дә бу үчҝүнлүк сәфәрдә ону мүшајиәт едир.
Макронун Әлҹәзаирә сәфәри Әлҹәзаирин ганлы истиглалијјәт мүһарибәси барәдә фәргли шәрһләр вә рәвајәтләр үстүндә ики өлкә арасындакы сијаси чәкишмәләрин шиддәтләнмәсиндән сонра һәјата кечирилир. Кечән илин сонларында Әлҹәзаир елә бу мәсәлә үстүндә өз сәфирини Франсадан ҝери чағырмышды.
Өтән илин октјабрында Еммануел Макрон Әлҹәзаирә “һаким кәсилмиш сијаси-һәрби системи” өз һәјатыны давам етдирмәк вә мөвҹудлуғуну әсасландырмаг үчүн истиглалијјәт мүһарибәсинин хатирәләриндән истифадә етмәкдә иттиһам етмишди.
342/
