Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан вә Иран Ислам Республикасы арасында Астарачај үзәриндә тикилмәкдә олан јени көрпү васитәси илә ИИР-а мәхсус ҝүндәлик 800 әдәд јүк машыны Гафгаз, Русија вә Авропа истигамәтиндә һәрәкәт едәҹәк.
Буну Иранын хариҹи ишләр назиринин игтисади мәсәләләр үзрә мүавини Меһди Сәфәри бу ҝүн (30 мај) Теһранда “Иран вә Гара Дәниз Игтисади Әмәкдашлыг Тәшкилаты” Бејнәлхалг Конфрансы заманы журналистләрә ачыгламасында дејиб.
М.Сәфәринин сөзләринә ҝөрә, бу васитә илә дә Гара дәниз – Фарс көрфәзи дәһлизи активләшәҹәк. Бу дәһлизин иллик потенсиалы тәхминән 500 милјон тондур. Илк мәрһәләдә бу дәһлизлә илдә 20 милјон тон јүк дашына биләр.
Гејд едәк ки, Азәрбајҹан вә Иран арасында јени көрпүнүн тәмәли бу ил јанварын 25-дә гојулуб.
Көрпү 3 ашырымлы олмагла узунлуғу 97.5 метр, ени исә 30.5 метр олаҹаг. 4 һәрәкәт золаглы көрпүдә әлавә олараг еһтијат һәрәкәт үчүн даһа 2 золағын, һәмчинин һәр биринин ени 2.5 метр олан 2 пијада кечидинин јарадылмасы нәзәрдә тутулур.
Диггәт: Хәбәрдән Истифадә Етдикдә Мәнбәјә Истинад Лазымдыр!
