АБНА24 Хәбәр Верир , Луганск вилајәтинин Севердонетск шәһәри Русија ордусу тәрәфиндән тамамилә ишғал едилиб.
Украјна исә мүһарибәнин 95-ҹи ҝүнү үчүн Русија ордусунун иткиләри һагда мәлуматы јениләјиб.
Украјна Баш Гәрарҝаһынын сосиал шәбәкә һесабында јајылмыш мәлуматда дејилир: Русија индијә гәдәр 30 150 һәрбчи, 1338 әдәд танк, 3270 әдәд зиреһли дөјүш машыны, 631 әдәд артиллерија системи, 93 һава һүҹумундан мүдафиә системи, 207 әдәд һәрби тәјјарә вә174 әдәд һеликоптер итириб.
Мәлуматда гејд олунур ки, Украјнада Мариупол уғрунда күчә дөјүшләриндә Русијанын 6 минә јахын һәрбчиси өлдүрүлүб.
Украјна дахили ишләр назиринин мүшавири Виктор Андрусив дә дејиб ки Украјна һәрбчиләри үч ај әрзиндә Русијанын мүасир танкларынын тәхминән үчдә бирини мәһв едибләр.
Онун сөзләринә ҝөрә, Украјнаја гаршы мүһарибәдән әввәл Русијанын 3 000-ә јахын мүасир танкы вар иди вә онларын 30%-дән чоху мүһарибәнин үч ајы әрзиндә Украјна тәрәфиндән мәһв едилиб.
Бу арада Украјна президенти Владимир Зеленски дејиб ки, Русијанын ҝүҹ структурунда һеч ким Президент Владимир Путини һакимијјәтдән узаглашдырмаг фикриндә дејил.
“Дүшүнүрәм ки, бүтүн бу команда узун илләрдир ишләјир вә онлар бир-биринә бағлыдырлар. Онлары чох шејләр, чох аддымлар, чох ҹинајәтләр бирләшдирир. Мән һазырда Путинин режим дәјишиклијиндән әмин дејиләм. Мәнҹә, һамысы ондан горхур”, - дејә Зеленски гејд едиб.
342/
30 may 2022 - 17:42
Xəbər kodu: 1262383
Русија ордусу Донбасда ирәлиләјир, Даһа бир Украјна шәһәри ишғал олунуб.
