“Украјнаја һүҹуму кәскин шәкилдә писләмишик”

АБНА24 Хәбәр Верир , Иран Ислам Республикасынын хариҹи ишләр назири Һүсејн Әмир-Абдуллаһијан Давос Үмумдүнаја Игтисади Форуму чәрчивәсиндә АБШ-ын “Неwсwеек Ынтернатионал” һәфтәлик дәрҝисинин редактору, танынмыш сијаси тәһлилчи Фәрид Зәкәријјанын суалларыны ҹавабландыраркән Украјна бөһраны барәдә фикирләрини сөјләјиб.

Әмир-Абдуллаһијан дејиб: “Биз Украјнада баш верәнләри, һәрби һүҹуму вә Украјнаја гаршы мүһарибәни гәтијјәтлә писләдик. Һәтта Иран Ислам Ингилабынын Алимәгамлы Рәһбәри дә ачыг шәкилдә бәјан едиб ки, биз мүһарибәјә гаршыјыг.”

Фәрид Зәкәријјәнин Русијаны гынајырсынызмы суалына ҹаваб олараг билдириб: “Биз Украјнаја гаршы мүһарибәни сәһв һесаб етдијимиз кими, Әфганыстан, Ираг, Јәмән вә Фәләстинә гаршы мүһарибәни дә јанлыш һесаб едирик. Украјна илә бағлы бир факт вар, АБШ вә НАТО реҝионда тәхрибат характерли аддымлар атыб. Дүшүнүрәм ки, бу мүһарибәнин сәбәби АБШ вә НАТО-нун һәрби мөвҹудлуғуну артырмаг вә Кремли тәһрик етмәк үчүн атдығы тәхрибатчы һәрәкәтләрдир. Она ҝөрә дә бу реал көкү нәзәрә алмаг лазымдыр.”

Әмир Абдуллаһијан гејд едиб: “АБШ вә НАТО-нун бу тәхрибатына гаршы чыхмаг үчүн һәлл јолу мүһарибәдирми? Биз сијаси диалогу вә данышыглары дәстәкләјирик. Мән ҹәнаб Лавров вә Украјнанын хариҹи ишләр назири илә ики дәфә данышмышам. Кечән һәфтә мән Лаврова тәклиф етдим ки, биз һәр ики тәрәфи Иранда гәбул етмәјә һазырыг вә мүһарибә дајандырылмалыдыр. Украјналы гачгынларын вә бу бәшәри фаҹиәнин сәһнәләри һәр бир инсанын үрәјини ағрыдыр. Үмид едирәм ки, сәјләримиз мүһарибәни дајандырмаға вә сијаси һәллә диггәти јөнәлтмәјә көмәк едәҹәк.”

Иранлы назир сонра дејиб: “Бизим икили стандартлара әсасланан давранышымыз јохдур. Украјнада, Әфганыстанда, Јәмәндә, һарда инсан һаглары позулса, һарда мүһарибә вә тәҹавүз олса, биз буна гаршыјыг вә писләјирик. Һесаб едирәм ки, биз һамымыз Украјнадакы мүһарибәни мүмкүн гәдәр тез битирмәјә вә ики өлкәнин проблемләрини сијаси диалог јолу илә һәлл етмәјә чалышмалыјыг”.

342/