АБНА24 Хәбәр Верир , Чавушоғлунун Исраил адланан јерә сәфәри заманы Анкара илә Тәл-Әвив арасында игтисади әлагәләрин вә сијаси әмәкдашлығын ҝенишләндирилмәси кими мәгсәдләр нәзәрдә тутулуб.
Түркијәнин иргчи Исраил режими илә мүнасибәтләриндә илләрлә ениш-јохуш олса да, игтисади вә тиҹарәт әлагәләри, еләҹә дә икитәрәфли тәһлүкәсизлик әмәкдашлығы һеч вахт далана дирәнмәјиб. Бу планлашдырылан сәфәр әрәфәсиндә Әрдоған һөкумәти Фәләстин вәтәндашларыны өлкәдән говмагла јанашы, Түркијәдә јашајан чохлу сајда Фәләстин лидерләрини дә өлкәдән чыхарыб, Һәмасын офисләрини бағлајыб.
Мараглыдыр ки, бундан әввәл Анкара рәсмиләри, о ҹүмләдән Түркијә президенти сионист режимин ҹинајәтләринә гаршы мәзлум Фәләстин халгыны дәстәкләдикләрини дәфәләрлә вурғулајыблар. Амма Түркијәдә игтисади бөһран вә малијјә тәзјигләри ҝүҹләндикҹә, онлар өз мөвгеләриндән ҝери чәкилирләр. Һәтта белә сөз-сөһбәт вардыр ки, Түркијә сәфирлијинин Гүдсдә ачылмасы истигамәтиндә икигат сәјләр ҝүндәмдәдир.
Түркијә 1949-ҹу илдә сионист режими таныјан илк өлкәләрдән бири олуб. Ики тәрәфин игтисади, сијаси, һәрби вә тәһлүкәсизлик саһәләриндә сых әлагәләринин ҝенишләндирилмәси о вахтдан башлајыб вә бу ҝүн дә давам едир. Һазырда Әрдоғанын фәләстинлиләрин говулмасы вә Фәләстин Ислами Мүгавимәт Һәрәкатынын (ҺӘМАС) Түркијәдәки офисләринин бағланмасы кими сон һәрәкәтләри мәзлум Фәләстин халгына сүбут етди ки, онларын Түркијәдә чох аз дәстәји вар. Даһа доғрусу рәсми Анкара игтисади марагларыны Ислам үммәтинин о ҹүмләдән дә мәзлум Фәләстин халгынын амалларындан үстүн тутур. Бәлкә дә ишғалчы режимә јахынлашмагла Америкадакы јәһуди лобби тәшкилатларына месаж вермиш олур ки, Түркијә әнәнәви мөвгејинә вә әввәлки дүнјәвичи режимләрин Исраил илә бағлы сијасәтинә гајыдыр.
Бу аддым ола билсин ки, АК партијасынын сосиал базасыны зәрбә алтында гојаҹаг вә 2023-ҹү ил сечкиләрини удузмасына ҝәтириб чыхара биләр. Зира түрк иҹтимаијјәти бирмәналы шәкилдә гондарма Исраил режиминә нифрәт едир вә һөкумәтин јүрүтдүјү сијасәт ону гане етмәјәҹәкдир.
342/
27 may 2022 - 19:39
Xəbər kodu: 1261515
Түркијә президенти Рәҹәб Тәјјиб Әрдоғанын өлкәдәки игтисади бөһранын јаратдығы чохсајлы проблемләрә сон гојмаг үчүн ҝөстәрдији сәјләр чәрчивәсиндә хариҹи ишләр назири Мөвлуд Чавушоғлу ишғал олунмуш Фәләстин торпагларына сәфәр едиб.
