АБНА24 Хәбәр Верир , Ливанын сионист режимин ҹајнагларындан азад едилмәсинин илдөнүмү ҝүнү вә Мүгавимәт Ҝүнү мүнасибәти илә чыхыш едән Сејид Һәсән Нәсруллаһ, сәдагәт әсасында бу јолда ҹанларыны фәда етмиш бүтүн шәхсләрә тәшәккүр едиб. Билдириб ки, 2000-ҹи ил гәләбәси, о дырнагарасы “мәғлубедилмәз орду”нун имиҹини дармадағын вә “бөјүк Исраил” планыны алт-үст етди вә өз торпагларыны азад етмәк үчүн Фәләстин халгына бир даһа үмид бәхш еләди.
Чыхышынын диҝәр бир һиссәсиндә Иран Ислам Республикасына тәшәккүр едән Һизбуллаһын баш катиби билдириб ки, Теһран мүгавимәтә дәстәк истигамәтиндә әлиндән ҝәләни әсирҝәмәјиб.
О, һәмчинин Мүгавимәт Ҹәбһәсинин мәгсәдләринин ирәлиләдилмәсиндә шәһид ҝенерал-лејтенант Һаҹы Гасым Сүлејманинин ролуну јүксәк дәјәрләндириб.
Ливан Һизбуллаһынын баш катиби гејд едиб ки, бүтүн о фәдакарлыг вә ҹанфәшанлыглар хатырланмалыдыр, зира бу гәләбә һавајы әлдә олунмајыбдыр.
О, сонра сөјләјиб: Јени нәсил Ливанын ҹәнубундакы нәзарәт-бурахылыш мәнтәгәләриндә баш вермиш алчаглыг, тәһгир вә ашағламалардан хәбәрдар олмалы вә билмәлидир ки, онларын гардаш вә аталары мәһбәсләрдә вә инсан һүгугларынын позулмасы саһәсиндә һансы әзаб-әзијјәтләрә дөзүбләр.
Нәсруллаһ әлавә едиб: Ливан халгы, өзүнү ади ҝөстәрмәјә вә реҝионун диҝәр халглары илә әлагәјә гурмаға чалышан сионист режимин әсл симасыны танымалыдыр.
342/
27 may 2022 - 19:37
Xəbər kodu: 1261512
Ливан Һизбуллаһынын баш катиби сионист режим үзәриндәки гәләбәни илаһи ҝүнләрдән бири адландырыб вә дејиб: Һизбуллаһын 2000-ҹи илдә әлдә етдији наилијјәт, Ливанын мүасир тарихиндә ән бөјүк наилијјәтдир.
