АБНА24 Хәбәр Верир , Фәвварәләр мејданында бәзи иҹтимаи-сијаси фәаллар вә журналистләр аксија кечирибләр. Етиразлар блоҝерләрин вә ЈоуТубе канал саһибләринин чағырышы әсасында башлајыб вә Ермәнистанда мүтәшәккил сијаси вә рәсми партијаларын тәшкил етдији етиразлардан фәргли олараг, Бакыда кечирилән күчә етиразларында партија рәһбәрлијинин ролу олмајыб.
Нүмајишчиләр арасында Бәхтијар Һаҹыјев, Товфиг Јагублу вә Рүфат Сәфәров кими бәзи иҹтимаи фәаллар вә мүхалиф партијаларын тәмсилчиләри дә олуб.
Бакыда нүмајишчиләр "Криминал дөвләт истәмирик", “өлдүрмә әдаләти, дајандыр ҹинајәти”, “коррупсијаја вә иҹтимаи әмлакын таланмасына сон гојун” вә “Истәмирик” кими шүарлар сәсләндирибләр.
Мәлуматда гејд олунур ки, полисин нүмајишчиләрин һәрәкәтинә мане олмаг истәсә дә, бир нечә нүмајишчинин дөјүлмәсинә вә бир нечә мүхбирин сахланмасына бахмајараг, етиразчылар полис сәддини кечәрәк һәрәкәтләрини давам етдирә билибләр.
Бу нүмајиш сон илләрин, хүсусилә дә Икинҹи Гарабағ Мүһарибәсиндән сонра ән ҹидди етираз аксијасы һесаб олунур. Инсанларын игтисади вә доланышыг проблемләринин кәскинләшмәси дә етиразларда мүһүм рол ојнајыр.
Гејд едәк ки, бир нечә ҝүн габаг журналист Ајтән Мәммәдоваја гаршы һүҹум олуб. Ајтән Мәммәдова бу һүҹуму өзүнүн пешә фәалијјәти илә әлагәләндирир. Бир мүддәт әввәл исә иҹтимаи фәал Бәхтијар Һаҹыјев намәлум шәхләр тәрәфиндән оғурландығыны ачыглајыб.
Бундан сонра бәзи иҹтимаи фәаллар - һүгуг мүдафиәчиләри, журналистләр, сијасәтчиләр тәләб едибләр ки, һакимијјәт тәнгидчиләринә гаршы зоракылыға сон гојулсун вә бу зоракылыға јол верәнләр ҹәзаландырылсын.
342/
16 may 2022 - 09:09
Xəbər kodu: 1257950
Азәрбајҹан Республикасында һөкумәтә гаршы сијаси етиразларынын јени мәрһәләси мајын 14-дә Бакыда нүмајишләрлә башлајыб.
