Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ҝүрҹүстан нүмајәндәләри ишғалчы НАТО алјансынын Мадриддә кечириләҹәк саммитинә дәвәт олунаҹаглар.
Ҝазета ру сајтынын мәлуматына ҝөрә, бу барәдә ишғалчы НАТО алјансынын баш катибинин мүавини Мирча Ҹоане Ҝүрҹүстан Иҹтимаи Телевизијасынын Биринҹи Каналына билдириб.
О, Ҝүрҹүстанын ҝүҹлү потенсиала малик НАТО тәрәфдашы олдуғуну вә алјансын узун илләрдир бу өлкә илә әмәкдашлыг етдијини гејд едиб.
Гејд едәк ки, Ҝүрҹүстанын ишғалчы НАТО алјансы илә әмәкдашлығы 1990-ҹы илләрин сонундан башлајыб. 2002-ҹи илин нојабрында о вахткы президент Едуард Шеварднадзе Прагада кечирилән саммитдә дөвләтин алјанса үзв олмаг истәјини бәјан едиб. Бу нијјәти нөвбәти дөвләт башчысы Михаил Саакашвили дә дәстәкләјиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
