Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Алманија Президенти Франк-Валтер Штајнмајер базар ҝүнү Берлиндә Алман Һәмкарлар Иттифаглары Ассосиасијасынын гурултајында чыхыш едиб.
ТАСС хәбәр аҝентлијинин мәлуматына ҝөрә, о, 77 ил әввәл Алманијаны насизмдән азад едән Гәрб вә Шәргдәки мүттәфигләрә миннәтдарлығыны билдириб.
Онун сөзләринә ҝөрә, индијәдәк сијасәтчиләр Авропада бир даһа мүһарибәнин олмамасы үчүн чалышыблар.
“Михаил Горбачов бизә ваһид Авропа еви јаратмаг перспективини верди. Амма бу ҝүн ваһид Авропа еви хәјалы пуч олду вә онун јерини јени кабус алды. Бу ҝүн мајын 8-и мүһарибә ҝүнүдүр”, - дејә Алманија президенти Авропаја гарчы мүһарибәнин башланғыҹы олан Украјна мүһарибәсини нәзәрдә тутараг бәјан едиб.
О, Авропанын бу мүһарибәјә мүнасибәтдә һәмрәј олдуғуну да диггәтә чатдырыб.
“Һәмрәјлик һәм дә АИ тарихиндә һеч вахт тәтбиг етмәдијимиз радикал санксијалар васитәсилә Русијаја тәзјиг ҝөстәрмәкдир”, - Штајнмајер әлавә едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
