Украјна Мүдафиә Назирлији бәјанат јајараг билдириб ки, Донетск вә Таврија истигамәтләриндә интенсив дөјүшләр давам едир.
Мүдафиә Назирлијинин өлкәдәки дөјүшләрлә бағлы јајдығы оператив мәлуматда гејд олунур ки, Русија ордусу шәрг әмәлијјат зонасында һүҹуму дајандырмыр. Бу, онлара Донетск вә Луганск вилајәтләриндә там нәзарәти бәргәрар етмәк вә Крымла гуру дәһлизини сахламаг үчүн лазымдыр.
Рәсми информасијаја әсасән, шимал истигамәтиндә исә ҹидди һүҹумлар мүшаһидә едилмәјиб. Бөлмәләр јенидән груплашдырылыр, онларын дөјүш габилијјәти бәрпа олунур. Украјна Гошунлары мөвгеләрини вә ирәлиләмә истигамәтләрини мүәјјәнләшдирмәк үчүн Русија Силаһлы Гүввәләри һава кәшфијјаты апарыр. Донетск вә Таврија истигамәтләриндә интенсив дөјүшләр давам едир.
Һәмчинин вурғуланыр ки, сон суткада Русија ордусунун 15 һава һәдәфи вурулуб: “14 ПУА вә 1 тәјјарә мәһв едилиб. Һәмчинин Донетск вә Луганск вилајәтләриндә гаршы тәрәфин 11 һүҹумунун гаршысы алыныб. Өтән ҝүн Русија ордусунун 8 танкы, 11 зиреһли дөјүш машыны вурулуб.
Диҝәр бир мәлумата әсасән, Русијанын “Адмирал Макаров” фрегаты Гара Дәниздә Украјнанын “Нептун” ракети илә вурулуб.
Украјна Мүдафиә Назирлији мәлуматы тәсдигләмәсә дә, бу ҝүн Русијанын иткиләри илә бағлы ҝүндәлик һесабатында вурулан ҝәмиләрин сајынын 11 олдуғуну гејд едиб. Индијә кими бу рәгәм 10 иди.
342/
7 may 2022 - 18:23
Xəbər kodu: 1255478
Украјна мүһарибә һәлледиҹи мәрһәләјә кечиб. Донетск вә Таврија истигамәтләриндә интенсив дөјүшләр давам едир.
