АБНА24 Хәбәр Верир , Түркијәнин игтисади вәзијјәти сон ики илдә бу өлкәнин халгыны чох чәтин шәраитдә гојуб. Јүксәк инфлјасија бәзи шәһәрләрдә инсанларын даһа уҹуз чөрәк алмаг үчүн нөвбәјә дајанмаларына баис олуб, зира бу өлкәдә чөрәјин гијмәти тәгрибән үч дәфә артыбдыр.
Һәмчинин ев гәбзләринин өдәниши дә бәзи Түркијә вәтәндашлары үчүн чәтинликләр төрәдибдир. Белә ки, бу өлкәдә мүхалифәт лидери Камал Кылычдароғлу онларын дәрди илә бөлүшмәк үчүн өз гәбзини өдәмәјиб вә бир һәфтәни ишыгсыз кечирибдир.
Түркијә статистика мәркәзи билдириб ки, бу өлкәдә ајлыг инфлјасија, апрелдә 7.25 фаизә чатыб. Һәмчинин Түркијәнин иллик инфлјасијасы да 69.97 фаизә чатыбдыр ки, бу да өтән ијирми илдә ән јүксәк инфлјасија ҝөстәриҹиси сајылыр.
Бунунла белә, инфлјасија үзрә тәдгигат групу бу рәгәмләри мүвафиг олараг, апрел ајында 8.69, иллик инфлјасија сәвијјәсини исә 156.86 фаиз елан едибдир.
Түркијә статистика мәркәзинин мәлуматына ҝөрә, бу өлкәдә ән јүксәк инфлјасија сәвијјәси нәглијјат хәрҹләрилә бағлыдыр. Белә ки, өтән бир илдә бу рәгәм, 105.86 фаизә чатыбдыр.
Гида маддәләри вә спиртсиз ичкиләр дә кечән бир илдә 89 фаизлик гијмәт артымына малик олублар.
Түркијәдә ев ләвазиматы да 77.6 фаизлик инфлјасијанын шаһиди олубдур.
342/
6 may 2022 - 18:48
Xəbər kodu: 1255145
Түркијә 69,97 фаизлик инфлајсија гејдә алдырмагла өтән ијирми илдә ән јүксәк инфлјасија ҝөстәриҹисинә малик олуб.
