АБНА24 Хәбәр Верир , Иран хариҹи ишләр назири бу телефон сөһбәтиндә өнҹә пакистанлы һәмкарыны бу вәзифәјә сечилмәси мүнасибәтилә тәбрик едиб, она, ишләриндә уғурлар диләјиб.
Билавал Бһутто-Зәрдари илә телефон данышығында ону Теһрана сәфәрә дәвәт едән Һүсејн Әмир-Абдуллаһиан, ики өлкә мүнасибәтләринин ҝенишләнәҹәјинә үмид етдијини билдириб.
Әмир-Абдуллаһиан Бһутто-Зәрдаријә хитабән дејиб: Үмид едирәм ки, сизин Пакистанын дипломатија апаратыны идарә едәҹәјиниз дөврдә ики өлкә мүнасибәтләринин даһа да ҝенишләнмәсинин шаһиди олаҹағыг.
Иранын дипломатија апаратынын башчысы сөјләјиб: Иран Ислам Республикасы вә Пакистан бу ил өз мүнасибәтләринин 75-ҹи илдөнүмүнү гејд едәҹәкләр. Ҝениш мәдәни, тарихи вә дил ортаглыгларына сөјкәнән бу мүнасибәтләр, мүсәлман өлкәләр арасындакы әлагәләр үчүн бир өрнәк ола биләр.
Иранлы һәмкарынын сәмими тәбрикинә ҝөрә тәшәккүр едән Пакистан Ислам Республикасынын хариҹи ишләр назири Билавал Бһутто-Зәрдари дә өлкәсинин, дост өлкә олан Иранла јахшы әлагәләринә вә ики өлкәнин халг, тарих вә мәдәнијјәт ортаглыгларына ишарә едиб.
342/
29 aprel 2022 - 12:43
Xəbər kodu: 1252949
Иран Ислам Республикасынын хариҹи ишләр назири илә Пакистанын јени хариҹи ишләр назири арасында телефон сөһбәти олуб.
